"ეს არის მკვლელობა, რუსეთი ვერანაირად ვერ აიცილებს პასუხისმგებლობას"- პრემიერი ტატუნაშვილის შესახებ

პოლიტიკა - 11:06, 27 Mar, 2018

2044

მთავრობის დღევანდელი სხდომა საოკუპაციო რეჟიმის მიერ მოკლული არჩილ ტატუნაშვილზე საუბრით დაიწყო.

საქართველოს პრემიერ-მინისტრი აცხადებს, რომ რაც დრო გავა, მით უფრო მეტად გააცნობიერებს ყველა, რამხელა გმირია არჩილ ტატუნაშვილი.

"ადამიანები, რომლებმაც აწამეს ქართველი ვაჟკაცი, არიან ქართულ-ოსური შერიგებისა და საქართველოს გაერთიანების მტრები"- აცხადებს მთავრობის მეთაური.

"ჩვენი სახელმწიფო იქნება ძალიან მტკიცე, იმ ადამიანების მიმართ, კონკრეტულად ვნც ჩაიდინეს ეს დანაშაული. რა თქმა უნდა, სამართლებრივი კუთხით, გადადგამს იმ ნაბიჯებს, მათ შორის საერთაშორისო მასშტაბით, რომ დამნაშავეები დასჯილები იყვნენ.

რაც შეეხება რუსეთს, რუსეთი ვერანაირად ვერ აიცილებს პასუხისმგებლობას იმაზე, რაც მოხდა. ეს პასუხისმგებლობა დაფიქსირებულია საერთაშორისო რეზოლუციებში, მათ შორის ჩვენი დიპლომატიური კორპუსის ძალისხმევის შედეგად, ევროსაბჭოს არაერთ რეზოლუციაში, სადაც ცხადად, შავი-თეთრზე წერია, რომ ქვეყანა, რომელიც ფაქტიურ კონტროლს ახორციელებს ოკუპრებულ ტერიტორიებზე, აგებს პასუხს, იქ ადამიანის უფლებების დარღვევებზე და რა თქმა უნდა, ის რაც მოხდა არის მკვლელობა. არის ძალიან დიდი ტრაგედია, მაგრამ მას ჰყავს კონკრეტული პასუხსმგებლები"- აღნიშნა კვირიკაშვილმა.

პრემიერმა არჩილ ტატუნაშვილზე სუაბრისას თქვა, რომ მყტრებმა მისი ღირსება ვერ შელახეს.

„ორიოდე დღის წინ მიწას მივაბარეთ ქართველი ვაჟკაცის – არჩილ ტატუნაშვილის ნეშტი, რომელიც სიკვდილის შემდეგ ღირსების ორდენით დაჯილდოვდა, ვინაიდან მტრებმა ვერ შელახეს მისი ღირსება.

ვფიქრობ, რაც დრო გავა, მით უფრო მეტად გააცნობიერებს ყველა ადამიანი, თუ რამხელა გმირი გახლავთ არჩილ ტატუნაშვილი“, - განაცხადა გიორგი კვირიკაშვილმა.