სროლა ნესკრა ჰესის ოფისის ეზოში - ადგილობრივების პროტესტით შეშინებული იტალიელი ინჟინრები ადგილიდან გაიქცნენ

პოლიტიკა - 17:06, 26 Mar, 2018

3693

ნენსკრა ჰესის მშენებლობა კვლავაც დაპრისპირების მიზეად იქცა. ადგილობრივები დამსაქმებლებს დასაქმების პირობების შეუსრულებლობაში ადანაშაულებენ. მაქსიმე გვარლმიანმა საკუთარი პროტეტსი ნესკრა ჰესის ადმინისტაციის შენობაში შეჭრით და იარაღიდან რამდენიმე გასროლით გამოხატა.
მომხდარის გამო შეშინებულმა იტალიელმა ინჟნრებმა ჭუბერი დატოვეს.

ფაქტს გამოეხმაურა შს სამინისტრო, უწყების ინფორმაციით, ადგილობრივი ნასვამ მდგომარეობაში იყო.

"შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის მესტიის რაიონული სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, 1990 წელს დაბადებული მ.გ., ძალადობით სხვისი მფლობელობის ხელშეუხებლობის დარღვევის ბრალდებით, ჭუბერში დააკავეს. მის მიერ ჩადენილი დანაშაული 4-დან 6 წლამდე ვადით თავისუფლების აღკვეთას ითვალისწინებს.

გამოძიებით დადგინდა, რომ ალკოჰოლის ზემოქმედების ქვეშ მყოფი ბრალდებული მესტიის რაიონის სოფელ ჭუბერში, იტალიური კომპანია „სალინი იმპრეჯილოს“ ტერიტორიაზე ავტომანქანით შეიჭრა, ავტომატური ცეცხლსასროლი იარაღიდან ჰაერში გაისროლა და მიიმალა.

სამართალდამცველებმა მ.გ. მომხდარიდან რამდენიმე საათში დააკავეს. პოლიციამ დანაშაულის ჩადენის იარაღი - ავტომატური ცეცხლსასროლი იარაღი ნივთმტკიცებად ამოიღო.

ბრალდებული ჩადენილ დანაშაულს აღიარებს.

გამოძიება მიმდინარეობს ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვა-ტარების და ძალადობით ბინაში ან სხვა მფლობელობაში მფლობელის ნების საწინააღმდეგოდ უკანონოდ შესვლის ან სხვა ქმედების ფაქტზე, რომელიც არღვევს ბინის ან სხვა მფლობელობის ხელშეუხებლობას, საქართველოს სსკ-ს 236-ე მუხლის მე-2 და მე-3 ნაწილებით და 160-ე მუხლის მე-2 ნაწილის „ა“ ქვეპუნქტით" - აღნიშნულია შსს-ს მიერ გავრცელებულ ინფორმაციაში.