აგარის შაქრის კომპანიის დამფუძნებლის წარმომადგენელი, ნიკოლოზ ნათბილაძე ყოფილ თანამშრომლებს მოალაპარაკებას სთავაზობს

პოლიტიკა - 14:57, 26 Mar, 2018

2056

აგარის შაქრის კომპანიის ადმინისტრაცია ქარხნის ყოფილ თანამშრომლებს მოალაპარაკების ფორმატის შეცვლას სთავაზობს.

„მე გთავაზობთ, რომ ქუჩის აქციები გადავიტანოთ კაბინეტში; დავსხდეთ, ვისაუბროთ და ერთად მოვძებნოთ გამოსავალი" - ამის შესახებ, საზოგადოებრივი მაუწყებლის პირდაპირ ეთერში, გადაცემა „რეალურ სივრცეში“ ნიკოლოზ ნათბილაძემ განაცხადა, რომ კომპანიის ხელმძღვანელობასა და ყოფილ თანამშრომლებს საერთო ინტერესი და პრობელმა აქვთ, რაც არა რადიკალური მეთოდებით, არამედ მოლაპარაკებისა და თანამშრომლობის გზით უნდა მოგვარდეს.

მისი მტკიცებით, აგარის შაქრის კომპანიის ერთადერთი ინტერესია ამუშავდეს ქარხანა და მზად არის, ინვესტიცია კიდევ განახორციელოს:

„ჩვენ მზად ვართ ინვესტიციებისთვის, იმისთვის, რომ ისევ შევიძინოთ ნედლეული, როდესაც დასტაბილურდება ეს ფასთა სხვაობა ევროპულ შაქარსა და ნედლეულს შორის. ჩვენი კარი არ არის არასოდეს დაკეტილი და ღია მოლაპარაკებებისთვის ვართ მზად. ჩვენ იმედი გვაქვს, რომ ისევ ერთად ვიმუშავებთ, გავხსნით ქარხანას. მიოლიონობით ინვესტიცია გვაქვს განხორციელებული ამ ქარხანაში და არავინ არ აპირებს, დახუროს და სამუდამოდ დააკონსერვოს. მე გთავაზობთ, რომ ქუჩის აქციები გადავიტანოთ კაბინეტში; დავსხდეთ, ვისაუბროთ და ერთად მოვძენბოთ გამოსავალი. შემოიყვანეთ ექსპერტები, პროცესი იყოს ომბუდსმენის მონიტორინგის ქვეშ. თუნდაც, არასამთავრობოები ჩაერთონ და მათი მეშვეობით ხდებოდეს მოლაპარაკება. ვანახოთ მოსახლეობას, რომ იგივე პრობლემა, რაც თქვენ გაქვთ, ეს არის ჩვენი პრობლემა,“ - აცხადებს ნათბილაძე.

გადაცემა „რეალურ სივრცეში“ აგარის შაქრის კომპანიის წარმომადგენელმა უარყო გავრცელებული ინფორმაცია შაქრის ქარხნის ბიტკოინებით ჩანაცვლების შესახებ. მისი განმარტებით, კომპანია მოლაპარაკებებს აწარმოებთა არენდატორთან. იგეგმებოდა მიწის გაქირავება დაცულ ტერიტორიაზე ელექტრო ენერგიის წვდომით, რომელიც ქარხნის ამუშავების პროცესს არაფრით ხელს არ უშლიდა. თუმცა, მისი მტკიცებით, ეს ქარხნის ნაცვლად კრიპტოვალურის წარმოებას არ გულისხმობდა. ნიკოლოზ ნათბილაძის განცხადებით, საბოლოოდ მოლაპარაკება არ შედგა.