"მადლობა მინდა გადავუხადო აშშ-ის კონგრესს და პრეზიდენტს კიდევ ერთი მტკიცე მხარდაჭერისათვის"

"მადლობა მინდა გადავუხადო აშშ-ის კონგრესს და პრეზიდენტს კიდევ ერთი მტკიცე მხარდაჭერისათვის" - გიორგი კვირიკაშვილი

პოლიტიკა - 12:05, 24 Mar, 2018

1528

საქართველოს პრემიერ-მინისტრი, გიორგი კვირიკაშვილი, აშშ-ის გადაწყვეტილებასთან დაკავშირებით განცხადებას ავრცელებს:

"ამერიკის შეერთებული შტატები 2018 წლის ბიუჯეტის კანონში გმობს რუსეთის მიერ საქართველოს ტერიტორიების ოკუპაციას და კრძალავს იმ მთავრობების დაფინანსებას, რომლებმაც აღიარეს რუსეთის მიერ ოკუპირებული აფხაზეთის და ცხინვალის რეგიონის დამოუკიდებლობა. ამასთან 2018 წლის ბიუჯეტში აშშ ზრდის საქართველოსადმი მხარდაჭერას ‎105 325 000 აშშ დოლარამდე.

კანონს აშშ-ის პრეზიდენტმა, დონალდ ტრამპმა დღეს მოაწერა ხელი.

ეს არის როგორც აშშ-ის კონგრესის, ისე ადმინისტრაციის მხრიდან საქართველოს სუვერენიტეტის, ტერიტორიული მთლიანობის მხარდაჭერის, ორ ქვეყანას შორის სტრატეგიული პარტნიორობის გაღრმავებისა და შემდგოში კიდევ უფრო აქტიური თანამსრომლობისთვის მზაობის მკაფიო დასტური.

მადლობა მინდა გადავუხადო აშშ-ის კონგრესსა და პრეზიდენტ დონალდ ტრამპის ადმინისტრაციას საკანონმდებლო დონეზე დაფიქსირებული კიდევ ერთი მტკიცე მხარდაჭერისათვის"- ნათქვამია პრემიერის განცხადებაში.