"მოკლულია გმირი, ჩვენი ძირითადი ამოცანა გამოძიებაა" - გიორგი გახარიამ არჩილ ტატუნაშვილის ოჯახს მიუსამძიმრა

პოლიტიკა - 21:02, 23 Mar, 2018

1678

შინაგან საქმეთა მინისტრმა გიორგი გახარიამ არჩილ ტატუნაშვილის ოჯახს მიუსამძიმრა.

როგორც გახარიამ აღნიშნა, ძირითადი ამოცანა გამოძიება, რომელიც სამხარაულის ექპერტიზის შემდეგ დაიწყება

"ძირითადი ამოცანა იყო, მოკლული გმირი, მოკლული მოქალაქე ღირსეულად მიგვებარებინა მიწისთვის, ახლა უკვე ჩვენი ძირითადი ამოცანა გამოძიებაა. დღეს ჩვენ ველოდებით ექსპერტიზის მონაცემებს, რომელიც სამხარაულის ბიურომ უნდა გადმოგვცეს. ამას გარკვეული დრო დასჭირდება. მთავარია, ჩვენ ამ ოჯახს მომავალშიც გვერდში დავუდგეთ. დარწმუნებული ვარ, ჩვენ, მთავრობაც, თითოეული ჩვენი მოქალაქეც ყველაფერს გააკეთებს ამისთვის" - განაცხადა მინისტრმა.

35 წლის სამხედრო, არჩილ ტატუნაშვილი მიმდინარე წლის 22 თებერვალს, ახალგორში, ორ სხვა ქართველთან ერთად, დააკავეს.

მომდევნო დღეს კი, საოკუპაციო რეჟმმა ინფორმაცია გაავრცელა, სადაც ე.წ. სამხრეთ ოსეთის უშიშროების კომიტეტი ირწმუნებოდა, რომ ტატუნაშვილი ცხინვალის საავადმყოფოში გულის უკმარისობით გარდაიცვალა.

ტატუნაშვილის ოჯახის წევრები აცხადებენ, რომ სამხედრო სასტკად ნაწამებია.

არჩილ ტატუნაშვილს 24 მარტს, მუხათგვერდის ძმათა სასაფლაოზე დაკრძალავენ.

35 წლის სამხედროს სიკვდილთან დაკავშირებით, საპარლამენტო უმრავლესობამ რეზოლუცია მოამზადა, რომელიც საქართველოს პარლამენტმა ოკუპირებულ აფხაზეთსა და სამხრეთ ოსეთში ადამიანის უფლებების დარღვევის შესახებ რეზოლუცია მიიღო. რეზოლუცია ითვალისწინებს „ტატუნაშვილი-ოთხოზორიას სიის“ მიღებას, რომელშიც ოკუპირებულ ტერიტორიებზე საქართველოს მოქალაქეების გატაცების, წამების, მკვლელობის საქმეში ჩართული პირები მოხვდებიან და მათ წინააღმდეგ სანქციები დაწესდება. პარლამენტი ასევე მოუწოდებს მთავრობას, მიიღოს ზომები, რათა ამ პირთა წინააღმდეგ დაწესდეს შეზღუდვები, პარტნიორი ქვეყნებისა და სართაშორისო ორგანიზაციების მხრიდანაც.