"ჩვენ ბევრად უკეთესად გვესმის ეროვნული ინტერესები ვიდრე თქვენ"- პარლამენტის თავმჯდომარე VS "პატრიოტთა ალიანსი"

პოლიტიკა - 18:14, 23 Mar, 2018

1142

„პატრიოტთა ალიანსის“ ერთ-ერთი ლიდერის ადა მარშანის მხრიდან მისი მისამართით გამოტქმულ კრიტიკას პარლამენტის თავმჯდომარემ უპასუხა. ირაკლი კობახიძის თქმით დეპუტატმა ადა მარშანიამ საკონსტიტუციო ცვლილებების დოკუმენტის ტექსტი ვერ გაიგო. ამასთანავე კობახიძემ მარშანიას და „პატრიოტთა ალიანსს“ მიმართა და განაცხადა, რომ მის გუნდს გაცილებით უკეთ ესმის ეროვნული ინტერესები, ვიდრე მარშანიას და „პატრიოტთა ალიანსს“:

„ქალბატონ ადას ვერ დავუმტკიცეთ, რომ კონკრეტული ტექსტი ქართულ ენაზე გამართულად არის დაწერილი და არა მარტო ქართულ ენაზეა ლამაზად დაწერილი, არამედ შინაარსსაც ასახავს სწორად. დამერწმუნეთ ქალბატონო ადა, და მთლიანად „პატრიოტთა ალიანსს“ მივმართავ, რომ ჩვენ ბევრად უკეთესად გვესმის ეროვნული ინტერესები ვიდრე თქვენ, ეს შემიძლია დაბეჯითებით გითხრათ.“- განაცხადა ირაკლი კობახიძემ.

"პატრიოტთა ალიანსის" ერთ-ერთი ლიდერის გაღიზიანება საკონსტიტუციო ცვლილებებმა გამოიწვია. ადა მარშანიას თქმით, სახელმწიფო საკონსტიტუციო კომისიის ფარგლებში, სახელმწიფო ენის სტატუსთან დაკავშირებით კონკრეტული წინადადებით გამოვიდა, რომელიც კონსტიტუციაში აფხაზური ენის შესახებ ჩანაწერს ეხებოდა. მისი თქმით, სახელმწიფო საკონსტიტუცო კომისიის ფარგლებში, ამ საკითხზე დებატებიც არ გამართულა.