"ქალს სჭირდება მოვლა, ქალს სჭირდება გაფრთხილება - ზაზა პაპუაშვილი გენდერულ კვოტირებაზე

პოლიტიკა - 16:39, 23 Mar, 2018

1263

პარლამენტმა გენდერული კვოტირების შესახებ კანონი ჩააგდო. ევროპულ საქართველოს თავიდანვე გაცხადებული ქონდა, რომ აღნიშნულ კანონპროექტს მხარს არ დაუჭერდა. კანონპროექტს მხარს არ უჭერდა მმართველი გუნდის ნაწილიც, თუმცა სხვადასხვა არგუმენტით. გედევან ფოფხაძე და დიმიტრი ხუნდაძე აცხადებდნენ, რომ ქალებს წინასწარ დაჯავშნული ადგილები არ სჭირდებათ და პოლიტიკურად მზადყოფნის შემთხვევაში ისინი კვოტირების გარეშეც შეძლებენ პარლამენტში შესვლას. განსხვავებული მოსაზრება ქონდა მმართველი გუნდის წარმომადგენელ ზაზა პაპუაშვილს, ის მიიჩნევს, რომ კვოტირება დაპირისპირებას გამოიწვევს და გამოდის ინიციატივით, რომ საჯარო სამსახურში მყოფ ქალებს პირიქით სამუშაო დროუნდა შეუმცირდეს, რომ სახლს და ოჯახს მიხედოს:

„ამის კანონის ხარისხში აყვანა არ გამოიწვევს კარგ შედეგს. დავაპირისპირებთ ხალხს ერთმანეთთან, დაპირისპირებას შეუწყობს ხელს თორემ, იმას ნუ გვამტკიცებინებთ და უხერხულია, რომ ქალები როგორ გვიყვარს და როგორ პატივს ვცემთ. ქალს სჭირდება მოვლა, ქალს სჭირდება გაფრთხილება. თუ ის ადამიანები საჯარო სამსახურში არიან, მოდი, მათ შევუმციროთ სამუშაო დრო. მეტი დრო მივცეთ სახლისთვის, თავს მიხედოს, ოჯახს, სამეგობროს,“ - განაცხადა პაპუაშვილმა.