ცვლილებები კანონმდებლობაში - „გირგვლიანის შესწორებების“ ინიცირებას დღეს მმართველი გუნდი მოახდენს. მამუკა მდინარაძემ დღეს გამართულ ბრიფინგზე განაცხადა, რომ ცვლილებები შევა 12 მუხლში და სისხლის სამართლის კოდექსს ორი ახალი მუხლი ემატება.

„ერთიანი ნაციონალური მოძრაობის“ წევრი სალომე სამადაშვილი არ ფიქრობს, რომ აღნიშნული ცვლილებები რეალურად რაიმე შედეგს მოიტანს:

„დღევანდელი ხელისუფლების პირობებში, როდესაც არაერთი საქმე დაგროვდა, პოლიციის მიერ ძალის გადამეტება, სხვადასხვა დანაშაულებები რჩება დაუსჯელი, მაშინ, როდესაც მურუსიძე დაინიშნა უვადოდ სასამართლოში, მე არ ვფიქრობ, რომ ეს ცვლილებები რეალურად რაიმე შედეგს მოიტანს, რადგან შესაბამის პოლიტიკური ნება კანონის აღსრულების ამ ქვეყანაში კვლავ არ არსებობს“, - განაცხადა სალომე სამადაშვილმა.