საპარლამენტო ოპოზიცია სამი საგამოძიებო კომისიის შექმნას ითხოვს

პოლიტიკა - 10:31, 23 Mar, 2018

1260

პარლამენტის სესიაზე დღეს საპარლამენტო ოპოზიცია რამდენიმე საგამოძიებო კომისიის შექმნის საკითხს კიდევ ერთხელ დააყენებს. ოპოზიცია RMG GOLD-ის საქმიანობის შემსწავლელი კომისიის შექმნას ითხოვს და ასევე კითხვები აქვს ვანო მერაბიშვილის საკნიდან გაყვანისა და ბერი გაბრიელ სალოსის გამზირზე ჩატარებული სპეცოპერაციასთან დაკავშირებითაც.

“საპარლამენტო საგამოძიებო კომისია, რომელიც აუცილებლად უნდა შეიქმნას. რათა გამოძიებული იყოს პირველი საყდრისის ნგრევის ფაქტი და მეორე აუცილებელია, ასევე დავადგინოთ, წლების განმავლობაში , როცა ზიანი ადგებოდა გარემოს და ისევ გრძელდება სახელმწიფო რატომ არ აჩერებს მაგვარ ქმედებებს“- განაცხადა „ევროპული საქართველოს“ წევრმა სერგო რატიანმა.

საგამოძიებო კომისიის შექმნის აუცილებლობაზე საუბრობს "ნაციონალური მოძრაობის" ერთ-ერთი ლიდერი ნიკა მელიაც.

„ვურჩევდი „ქართულ ოცნებას“ , რომ ქართული ოცნების პირობებშივე იქნას ეს საქმე გამოძიებული, ვიდრე მერე გამოიძიონ პასუხისგებაში მისცენ გიორგაძე და სხვები და მერე თქვან რომ ეს არის პოლიტიკური დევნა. ამიტომ ახლა ჯობია გამოიძიონ როგორ აფეთქდა, რა პირობებში საყდრისი, ვისგან მიიღო გიორგაძემ დავალება და რატომ მოაწერა დანაშაულებრივ გადაწყვეტილებას ხელი“- განაცხადა ნიკა მელიამ.