კვირიკაშვილი მომავალ კვირას გადადგება - პრემიერს პრეზიდენტობისთვის ამზადებენ?

პოლიტიკა - 14:23, 22 Mar, 2018

4690

,,ნიუპოსტის“ ინფორმაციით, საქართველოს პრემიერ მინისტრი გიორგი კვირიკაშვილი მარტის ბოლო კვირას გადადგება. წყარო გადადგომის თარიღსაც, სამშაბათს 27 მარტს ასახელებს.

ჩვენი ინფორამციით, კვირიკაშვილის გადადგომა ,,ქართული ოცნების“ მიერ მის საპრეზიდენტო კანდიდატად დასახელებას უკავშირდება.

რაც შეეხება კვირიკაშილის შემცვლელს, ჩვენი წყაროს ინფორმაციით, პრემიერი ფინანსთ მინისტრი მამუკა ბახტაძე გახდება, რომელიც ბიძინა ივანიშილის ოჯახის ახლობელია.

კვირიკაშვილის პრეზიდენტობის კანდიდატობაზე საუბრები ჯერ კიდევ გასულ წელს დაიწყო. თუმცა მას შემდეგ არაერთი კანდიდატი დასახელდა, მათ შორის იუსტიციის მინისტრი თეა წულუკიანი.

,,ნიუპოსტის“ ინფორმაციით, ქართული ოცნება და უფრო ზუსტად კი ბიძინა ივანიშვილი საპრეზიდენტო კანდიდატად სწორედ გიორგი კვირიკაშვილს ამზადებს. გარდა იმისა, რომ ივანიშვილის მიზანი მორჩილი პრეზიდენტის ყოლაა, არსებობს საგარეო პოლიტიკური ფაქტორები, რომელსაც ქვეყნის არაფორმალური მმართველი ასევე ითვალისწინებს. კვირიკაშვილი, რომელიც პროდასავლურ პერსონად აღიქმებოდა, პრეზიდენტის რანგში ის მისაღები რუსეთვისთვისაც უნდა იყოს. კვირიკაშვილის წერილი რუსეთის ხელისუფლებისადმი, შესაძლოა ამის ერთერთ წინაპირობადაც განვიხილოთ, რაც ერთგავრი მესიჯი იყო მოსკოვისთვის და რასაც ასევე თან ახლავს ბოლო დღეების კიდევ ერთი სიახლე ჟენევის მოლაპარაკების ფარგლებში ძალის არგამოყენების შესახებ ახალი დეკლარაციის შედგენა.

ის, თუ რა საფრთხეების შემცველია სახელმწიფოს მაღალი თანამდებობის პირებისგან ამ სახის საგარო პოლიტიკური ნაბიჯები, ეს უკვე სერიოზული კრიტიკის თემად იქცა პოლიტიკურ ოპოზიციასა და საექპერტო წრეებში. თუმცა ის, რაც სახელმწიფოს ინტერესებშია, სავარაუდოდ, ნაკლებად შედის ოლიგაქრის ინტერესებში...