მოსკოვის გამზირს დაერქვას არჩილ ტატუნაშვილის სახელი - ენმ საზოგადოების ინიციატივას უერთდება

პოლიტიკა - 13:04, 22 Mar, 2018

2887

ერთიანი ნაციონალური მოძრაობა იზიარებს ჟურნალისტ ლადო გოგოლაძის ინიციატივას იმასთან დაკაშირებით, რომ მოსკოვის გამზირს დაერქვას არჩილ ტატუნაშვილის სახელი. ამასთან დაკავშირებით განცხადება საკრებულოს წევრმა ნიკა ვაჩეიშვილმა დღეს საკრებულოში გამართულ ბრიფინგზე გააკეთა:

„დღევანდელ ვითარებაში როდესაც საქართველოში ხდება რუსული ინტერესის ინტენსიური შემოჭრა , ხდება ჰიბრიდული ომი და ვხედავთ იმ ტრაგედიას, რომელიც რამდენიმე დღის წინ ვნახეთმ არჩილ ტატუნაშვილის, საქართველოს ერთიანობისთვის მებრძოლი გმირთან დაკავშირებით. იმ ვითარებაში როდესაც ოკუპანტები იტაცებენ, კლავენ და შემდეგ ცხედრის გადმმოცემაზე ვაჭრობენ, საქართველოს დედაქალაქში გვაქვს მოსკოვის გამზირი. ეს არის ორი სრულებით შეუთავსებელი რამ. ჩვენ გამოვდივართ ინიციატივით გადაერქვას თბილისში მდებარე მოსკოვის გამზირს სახელი და მას დავარქვათ არჩილ ტატუნაშვილის სახელი. მე მგონი ეს არის აუცილებელი და ყველასათვის მისაღები ინიციატივა.“- განაცხადა ნიკა ვაჩეიშვილმა.

ლადო გოგოლაძის ინიციატივასთან დაკავშირებით ხელმოწერები გროვდება, მას ვინც ამ მოსაზრებას ეთანხმება შეუძლია გადავიდეს ბმულზე მანიფესტი - მოსკოვის გამზირს დაერქვას არჩილ ტატუნაშვილის სახელი და თავისი ხმა დააფიქსიროს.

როგორც ლადო გოგოლაძე წერს "არჩილ ტატუნაშვილის ქუჩა, ყველაზე ლამაზი გახდება მთელს დედაქალაქში და იქნება სიმბოლო იმისა, თუ როგორ ლამაზდება ჩვენი ქვეყანა მაშინ როცა მოსკოვის გავლენიდან გამოდის."