„გოგი თათუხაშვილის სიცოცხლე საფრთხეშია!“ - ვინ დაავალა ამნისტირებულ კრიმინალებს სტრასბურგში გენერლის ლიკვიდაცია

პოლიტიკა - 12:28, 22 Mar, 2018

2630

როგორც პარტიის ,,ვეტერანები და პატრიოტები საქართველოსთვის“ გენერალური მდივანი, ვიქტორ რუსია აცხადებს, გენერალ გოგი თათუხაშვილის სიცოცხლე საფრთხეშია. რუსია ამბობს, რომ ამის შესახებ თავად თთუხაშვილი რამდენჯერმე პირადად გააფრთხილა. ამჯერად კი, მოსალოდნელ საფრთხეზე საჯაროდ საუბრობს და ამბობს, რომ ამაზე პასუხისმგებლობას „ამჟამინდელ, რუსეთის მარიონეტ საქართველოს მთავრობას“ აკისრებს.

„კიდევ ერთხელ გაფრთხილებთ, ბატონო გოგი, ამჯერად საჯაროდ და კონკრეტულად! გადახედეთ თქვენს გარემოცვას და ხალხს, ვინც თქვენთან, ან თქვენს ოჯახთან კონტაქტობს. აგენტურას აქვს დავალება აგროვონ და აწოდონ ინფორმაცია, მოახდინონ თქვენი დისკრედიტაცია და საბოლოოდ, ლიკვიდაცია.

აქვე ვაქვეყნებ თქვენთან ჩანერგილი რამდენიმე აგენტის ჩემს ხელთ არსებულ მონაცემებს, რომელიც მოვიპოვე სხვადასხვა წყაროდან, მათ შორის ძალოვანი სტრუქტურებიდან და ციხიდან :

1. სტრასბურგში იმყოფება მეექვსე წელია, ადრე ნასამართლევი, გარკვეული დროის მანძილზე ცხოვრობდა რუსეთში. დავალებული აქვს თქვენს ოჯახის წევრებთან მუშაობა და თქვენი ლიკვიდაცია;

2. ყოფილი სპეცრაზმელი, მანდ იმყოფება ხუთი წელია. დავალებული აქვს თქვენს ოჯახის წევრებთან მუშაობა და თქვენი ლიკვიდაცია;

3. მოქალაქე, რომელიც ოთხი წლის უკან შემოვიდა თქვენთან კონტაქტზე, თავისი ახლობლის პატიმრობიდან ვადაზე ადრე განთავისუფლების სანაცვლოდ. იქ იმყოფება ორი წელია. ის ახლობელი კვლავ პატიმრობაშია. ამჯერად თქვენი ლიკვიდაცია მოწამვლის გზით აქვს დავალებული. პატიმარი დღე-დღეზე ელოდება განთავისუფლებას;

4. ორი ამნისტირებული კრიმინალი, რამდენჯერმე ნასამართლევი. სტრასბურგში იმყოფებიან 2017 წლიდან. დავალებული აქვთ თქვენთან კონტაქტში შესვლა და ლიკვიდაცია,“ - წერს ვიქტორ რუსია სოციალურ ქსელში.