ადვოკატი ვარაუდობს, რომ ბრეგაძეს კლინიკის დატოვებს შემდეგ დააკავებენ - „აწამეს, რადგან უჰაერობა იყო და იარაღი და ტელეფონიც ჩამორთმეული ქონდა“

პოლიტიკა - 18:42, 21 Mar, 2018

3374

სანდრო ბრეგაძის ინტერესების დამცველის, ადვოკატ ცირა ჯავახიშვილის თქმით, ბრეგაძეს სავარაუდოდ კლინიკის დატოვებს შემდეგ დააკავებენ, მისი განცხადებით ბრეგაძე გუშინ იმის გამო ვერ დააკავეს, რომ ის პოლიციის განყოფილებაში დაკითხვისას შეუძლოდ გახდა და სასწრაფო დახმარების მანქანით კლინიკაში გადაიყვანეს.

ადვოკტი თვლის, რომ სანდრო ბრეგაძე დაკითხვის დროს აწამეს:

"სასტიკად აწამეს, რადგან დაკითხვის ოთახში უჰაერობა იყო და ბრეგაძეს პირადი ცეცხლსასროლი იარაღი და ტელეფონიც ჩამორთმეული ჰქონდა"- განაცხადა ჯავახიშილმა.

საპირისპირო პოზიცია აქვთ შსს-ს და ღუდუშაურის კლინიკის წარმომადგენლებს.

ექიმის განცხადებით, ვაკე საბურთლოს სამმართველოში დაკითხვაზე მისულმა ქართული მარშის წევრმა თავად მოითხოვა საავადმყოფოში გადააყვანა, თუმცა კონკრეტულად არაფერს უჩიოდა. ექიმის თქმით, მას დაზიანებები არ აღენიშნება.

სანდრო ბრეგაძისთვის ფიზიკური შეურაცხოფის მიყენებას, აბსურდულს უწოდებენ შინაგან საქმეთა სამინისტროშიც.
"ინფორმაცია სანდრო ბრეგაძის ცემის შესახებ არის მტკნარი სიცრუე და შსს აღნიშნულს არ ადასტურებს.“- აცხადებენ უწყებაში.