ჟენევის მოლაპარაკებები - საქართველოში ამერიკის შეერთებული შტატების ელჩი იან კელი იმედოვნებს, რომ აღნიშნულ ფორმატში პროგრესია და არსებობს ტექსტი, რომელზეც შეიძლება ყველა შეთანხმდეს:

„როდესაც ვსაუბრობთ ყველა მხარის დაპირებებზე ძალის გამოუყენებლობის შემთხვევაში პირველ რიგში მთავარია ნდობა. სამწუხაროდ ცხინვალის რეჟიმის საქციელი სასტიკია. რატომ ჰყავდა დატყვევებული ქართველი ჯარისკაცის ცხედარი კვირების განმავლობაში. ასეთი საქციელი ნდობას ხელს ვერ შეუწყობს, ვიმედოვნებ რომ ჟენევის ფორმატში პროგრესია და არსებობს ტექსტიც, რომელზეც შეიძლება ყველა დათანხმდეს, მაგრამ ნუ დაგვავიწყდება რაც გააკეთა საოკუპაციო რეჟიმმა.

დიპლომატებს გვაქვს ასეთი გამოთქმა, არაფერია შეთანხმებული, სანამ ყველაფერი არ იქნება შეთანხმებული. სანამ ყველა მხარისთვის არ იქნება მისაღები ტექსტი შეთანხმებაც არ იქნება მიღწეული. ჩვენ ვნახეთ ტექსტის რამდენიმე ვარიანტი. ვნახოთ, რა მოხდება ჟენევაში, მაგრამ რამდენადაც ვიცი ამ ეტაპზე ტექსტზე შეთანხმება ჯერ მიღწეული არ არის,“-აცხადებს იან კელი.