"ხელისუფლების პოლიტიკა არის კაპიტულანტური და რუსეთის ინტერესებზე მორგებული" - ბაჩუკი ქარდავა რუსეთთან ფარულ გარიგებაზე საუბრობს

პოლიტიკა - 16:21, 21 Mar, 2018

1151

არასაპარლამენტო ოპოზიცია ხელისუფლებას რუსეთთან ფარულ გარიგებაში ადანაშაულებს. მათი თქმით საუბარი იმაზე, რომ ჟენევის ფორმატში ძალის გამოუყენებლობასთან დაკავშირებით საერთო შეთანხების გაფორმება, რომელსაც იურიდიული ძალა არ ექნება, საქართველოს არათუ სარგებელს მოუტანს არამედ დამატებით პრობლემებს შეუქმნის, რუსეთს კი სპეკულაციების მეტ შანს მისცემს.

ეროვნულ დემოკრატიული პარტიის ლიდერის ბაჩუკი ქარდავას თქმით, ხელისუფლება აწარმოებს ფარულ საგარეო პოლიტიკას და მათი ნაბიჯები პუტინის რუსთის ინტერესებზე ასხამს წყალს:

„ხელისუფლება აწარმოებდა ფარულ საგარეო პოლიტიკას და ყველა კითხვის ნიშანი, რომელიც ჩნდებოდა ამ ხელისუფლების რუსულ ორიენტაციასთან დაკავშირებით, ბოლო პერიოდის ნაბიჯები ამას აშკარად ამჟღავნებს. ძალის არგამოყენების ხელშეკრულებაზე როცაა საუბარი, ორაზროვანი განცხადება საგარეო საქმეთა სამინისტროს მხრიდან იმასთან დაკავშირებით, რომ ამ თემაზე შესაძლოა შედგეს დიალოგი ყველა ეს ნაბიჯი პირდაპირ პუტინის რუსთის ინტერესებზე ასხამს წყალს. ის, რასაც საქართველოს ხელისუფლება აკეთებს, არის კაპიტულაცია.“- განაცხადა ბაჩუკი ქარდავამ