"არ ელოდა ხელში რომ შერჩა თმა და წვერი, ეს დიდი შოკი იყო"

"არ ელოდა ხელში რომ შერჩა თმა და წვერი, ეს დიდი შოკი იყო" - გიორგი მახარაძის დედა

სოც.მედია - 11:00, 21 Mar, 2018

10543

მსახიობ გიორგი მახარაძეს ოთხი თვის წინ სიმსივნის დიაგნპზი დაუსვეს.სასწრაფო ოპერაცია საქართველოში ჩაუტარდა და ახლა მკურნალობს. ახლახან ვარჯიშიც დაიწყო და საყვარელ საქემსთან დაბრუნებასაც გეგმავს.

გიორგის დედამ თეო ჩივაძემ „სარკესთან“ ინტერვიუში განვლილ რთულ პერიოდზე ისაუბრა.

„ქიმიის ორი კურსი ჩავიტარეთ. მადლობა გიორგის მკურნალ ექიმს, ალექსანდრე თავართქილაძეს. ამის შემდეგ ექიმმა თურქეთში დაგვიბარა.

პირველ დღეს კი შეგვაშინა ექიმმა, ანალიზებში პატარა ცვლილებააო, მაგრამ პეტით გადამოწმდა ყველაფერი. ის დღე იყო ყველაზე რთული და კიდევ ერთი დარტყმა, მაგრამ ღვთის წყალობით, ყველაფერი წესრიგშია. ექიმმა 3 თვეში დაგვიბარა. ახლა სულ უნდა ვაკონტროლოთ.

ძალიან გახარებულები ვართ, ამოვისუნთქე. გიორგიხ ხომ არ იმჩნევდა, მაგრამ ექიმიდან რო გამოვედით, ისე უბრჭყვიალებდა თვალები... ჩავეხუტეთ ერთმანეთს“ - ამბობს თეო ჩივაძე.

მისი თქმით, ქიმიოთერაპიის კურსის მიმდინარეობისას, გიორგის ძალიან გაუჭირდა.

„მეგონა უფრო მეტად გაუჭირდებოდა. ვფიქრობდი, მორჩა, დავიღუპე-მეთქი. ექიმებმა გვითხრეს, ისეთი სქემა გვაქვს შედგენილი , თმა არ გასცვივდებაო. არ ელოდა, ხელში რომ შერჩა თმა, ეს მისთვის დიდი შოკი იყო“ - ამბობს თეო.

„ახლა ცოტა აჟიტირებულია. კანში ვერ ეტევა, ამბობს ესეც უნდა გავაკეთო, ისიც უნდა გავაკეთოო. ბედნიერია, სადღაც მაინც არის შიში, ისე ვერ ვიტყვი, რომ დამთავრდა ეს ყველაფერი. ალბათ რაღაცები არის ქინ, მაგრამ მთავარია გადავლახეთ კარგი შედეგით.“ - ამბობს მსახიობის დედა.