პოლიტიკოსები და არასამთავრობო ორგანიზაციები რუსთავი2-სა და მის ჟურნალისტებზე მომხდარი თავდასხმის გამო, ხელისუფლებისადმი მიმართვას ამზადებენ.

ეს გადაწყვეტილება ლიდერებმა დღეს სამაუწყებლო კომპანიაში გამართული შეხვედრის შემდეგ მიიღეს.

არხის გენერალურმა დირექტორმა, ნიკა გვარამიამ, მათ თავდასხმის დეტალები გააცნო და საერთო პოზიციის ჩამოყალიბებისკენ მოუწოდა.

შეხვედრაზე შეკრებილები ასევე თანხმდებიან, რომ მედიაზე თავდასხმის საქმეს უფრო მძიმე კვალიფიკაცია უნდა ჰქონდეს.

„მნიშვნელოვანი იყო, რომ უფრო სწორი და მკაცრი მუხლით დაეწყოთ გამოძიება და ეს იქნებოდა ხელისუფლების მხრიდან ზუსტად ის გზავნილი, რომ ასეთი ფაქტები მათთვის არის მიუღებელი. პრევენცია მხოლოდ იმ შემთხვევაში არის შესაძლებელი, თუ ეს გამოძიება სწორი კვალიფიკაციით დაიწყება და ყველა დაისჯება, ვინც ამაში იყო ჩართული. სხვა შემთხვევაში შეიძლება, ჯაჭვური რეაქრია ჰქონდა,“ - განაცხადა საერთაშორისო გამჭვირვალობა-საქართველოს აღმასრულებელმა დირექტორმა, ეკა გიგაურმა.