ერგნეთში, ოკუპირებული ცხონვალის ციხეში გაურკვეველ ვითარებაში მოკლული არჩილ ტატუნაშვილის ცხედრის გადმოსვენებას ელოდებიან, ადგილზე ქართველი სამხედროს ოჯახის წევრებიც იმყოფებიან. ტატუნაშვილის ცხედრის გადმოცემა ერგნეთის ტერიტორიაზე მოხდება.

ერგნეთში იმყოფებიან სახელმწიფო მინისტრი შერიგებისა და სამოქალაქო თანასწორობის საკითხებში ქეთევან ციხელაშვილი, სახელმწიფო უსაფრთხოების სამსახურის საინფორმაციო-ანალიტიკური დეპარტამენტის დირექტორის მოადგილე კახაბერ ქემოკლიძე და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე მამუკა ცოტნიაშვილი.