არასამთავრობო სექტორისა და პოლიტიკური პარტიების წარმომადგენლები ამ წუთებში რუსთავი 2-ის შენობაში იმყოფებიან. ტელეკომპანიის გენერალური დირექტორი ნიკა გვარამია მათ გუშინ მომხდარი ინციდენტის დეტალებს აცნობს.

არასამთავრობოები და პოლიტიკოსები ძალადობის ფაქტზე ადეკვატურ რეაგირებას და დამნაშავეების დასჯას ელოდებიან. შეხვედრაზე ასევე იმყოფება პრეზიდენტის ადმინისტრაციის წარმომადგენელი ფიქრია ჩიხრაძეც.

„გამოხატვის თავისუფლებაზე თავდასხმა, ძალადობრივი ქმედებები არის აბსოლუტურად მიუღებელი, ვისგანაც არ უნდა მოდიოდეს ეს. ადამიანს თუ რაღაც არ მოსწონს, პროტესტის გამოხატვის ათასი ფორმა არსებობს, მაგრამ აბსოლუტურად დაუშვებელია ძალადობრივი ფორმების გამოყენება და ამაზე ძალიან მწვავე რეაგირება არის საჭირო, რომ ამან არ იმუშაოს, როგორც გადამდებმა ეფექტმა, რომ ჟურნალისტები იყვნენ თავიანთ საქმიანობაში ხელშეუხებელნი და, რომ სიტყვისა და გამოხატვის თავისუფლებას საქართველოში პრობლემები არ შეექმნას,“ - განაცხადა ფიქრია ჩიხრაძემ.