40 ათასი ხელფასი და RMG-ის სახელისუფლო ინტერესები - ნიკა მელია კომპანიაში მაღალჩინოსნების ინტერესებზე საუბრობს

პოლიტიკა - 14:47, 20 Mar, 2018

2884

კულტურის ყოფილ მინისტრს, ქუმსიშვილი ძეგლსითვის სტატუსის მოხსნას აძალებდა. ვისი ინტერესებია ის, რომ მილიარდ 300 მილიონი ოქრო და სპილენძია გასული ქვეყნიდან - ამის შესახებ ერთიანი ნაციონალური მოძრაობის პოლიტსაბჭოს წევრმა ნიკა მელიამ ტვ ,,პირველის“ ეთერში განაცხადა.

ნიკა მელია აცხადებს, რომ RMG-ის უკან სახელისუფლო ინტერესები დგას და იქ დასაქმებული არიან ყოფილი მაღალჩინოსნები. ენმ-ის ლიდერი ამბობს, რომ კომპანიის დირექტორი კობა მენაბდიშვილი, რომელიც გუშინ პოლიტიკური განცხადებებით გამოირჩეოდა, 40 ათასი ლარი აქვს, ხოლო მისი ძმა, საკრებულოს წევრია.

„ესენი არიან დამიანები, ვინც 2014 წელს ქართული ოცნების იმ მინისტრსაც კი, ბატონ ოდიშარიას, ვერ მოაწერინეს ხელი და ძეგლის სტატუსი ვერ მოახსნევინეს, შემდეგ მოხსნეს, ორი თვის განმავლობაში. ახალ კულტურის მინისტრს ვერ ნიშნავდნენ, ვერ პოულობდნენ ადამიანს, რომელიც ხელს მოაწერდა, შემდეგ იპოვეს ბატონი გიორგაძე, დანიშნეს 2014 წლის სექტემბერში და დეკემბერში მოაწერა ხელი და ააფეთქეს დეკემბრის თვეშივე.

ვერცერთმა ხელისუფლებამ ვერ გაბედ ის, რაც გაბედა გიორგაძემ. გიორგაძემდე ვინც იყო კულტურის მინისტრი განუცხადებია, თუ როგორ სთხოვდა და აძალებდა ქუმსიშვილი სტატუსის მოხსნას, ვისი ინტერესებია ის, რომ მილიარდ 300 მილიონი ოქრო და სპილენძია გასული ქვეყნიდან, მაშინ როცა მიზერული თანხა შეაქვთ ბიუჯეტში, დამატებითი ღირებულების გადასახადს იხდიან და შემდეგ უკან უბრუნდებათ. რეალურად ეს კომპანია არ არის RMG-ის კომპანია, როგორც კერძო კომპანია, ეს არის სახელისუფლებო, სადაც დასაქმებულნი არიან ყველა ყოფილი მაღალჩინოსანი, დიდი წვლილი იმისა, რომ გარემოს დაცვის სამინისტრო როგორც ასეთი, აღარ არსებობს, სწორედ rmg-ის დამსახურებაა. ის მაღალი თანამდებობის პირი, რომელიც პასუხისმგებელი იყო, რომელსაც უნდა გაეწია მონიტორინგი და მსგავსი, ეს ადამიანები გადალაგდნენ და მუშაობენ ამ კომპანიაში მაღალ თანამდებობაზე, რეგიონში არც სუსი არც პროკურატურა არ არსებობს, მთელი ხელისუფლება აქვს ამ კომპანიას. გუშინაც მთელი გზა მოფენილი იყო სუს-ის თანამშრომლებით, ძალაუფლებასთან ერთად აქვთ ფული, ჰყავთ მოზონდერო ელემნტები, როგორიცაა მაგლითად კობა მენაბდიშვილი, რომელიც არის საწარმოოს დირექტორი და ხელფასი თვეში აქვს 40 ათასი ლარი. რომელიც დიახაც ტექნიკურად იყო შემსრულებელი საყდრისის ამფეთქებელი, ის იყო რიგითი ამფეთქებელი, ეს დაუფასეს და დანიშნეს საწარმოს დირექტორად.

ამ ადამაინს 40 ათასი ლარი აქვთ თვეში ხელფასი, ადამიანი რომელიც გუშინ პოლიტიკური განცხადებებით გამოირჩეოდა და ასევე მის ძმას, რომელიც საკრებულოს წევრია“ - აცხადებს ნიკა მელია.

მისივე თქმით, გარემოს დაბინძურების გამო, ბოლნისის გადარჩენა პრაქტიკულად უკვე შეუძლებელია. მელია კომპანიის დირექტორის იმ განცხადებასაც გამოეხმაურა, სადაც მან ოპოზიციას ბიზნესიტერესებში დასდო ბრალი.

„მასიურად სიმსივნით დაავადებული ადამიანები არიან, ერთ ოჯახს ორი ადამიანი ვნახე სიმსივნით დაავადებული. იმდენად დაბინძურია წყალი, ჰაერი, ტრაგედია ტრიალებს, მაგრამ დმანისის გადარჩენა ჯერ კიდევ შესაძლებელია.

იმ 16 ჰექტარზე ზღაპრებს ჰყვებიან, თურმე ხედავს გაერთიანებული ოპოზიციური პარტიების რიგებში ბიზნეს ინტერესებს, ასეთი კადნიერება გინახავთ?

ადამიანი, რომელიც პოლიტიკური განცხადებებით გამოირჩეოდა, 40 ათასი ლარი აქვს ხელფასი“ - აცხადებს ნიკა მელია.