აშშ-ში საზღვაო ქვეითთა თამაშებში დაშავებულმა სამხედროებმა 7 მედალი მოიპოვეს

პოლიტიკა - 14:26, 20 Mar, 2018

878

აშშ-ში, ჩრდილოეთ კაროლინას შტატის სამხედრო ბაზაზე „კემპ ლეჟონი“ მიმდინარე საზღვაო ქვეითთა თამაშებში დაშავებულმა ქართველმა სამხედრო მოსამსახურეებმა უკვე 7 მედალი მოიპოვეს. 10 კმ. მანძილზე ხელის ველოსიპედით შეჯიბრში 2 სამხედრო მოსამსახურე - ალუდა სეთურიძე და დავით ნარეშელაშვილი ოქროს მედალოსანი გახდა, ჯიმშერ ჩხენკელი - ვერცხლის მედალოსანი, ხოლო ალიკა გითოლენდიამ ბრინჯაოს მედალი მოიპოვა.

დაშავებულმა ქართველმა სამხედროებმა ტრენაჟორით ნიჩბოსნობაშიც იასპარეზეს და 3 ვერცხლის მედალი აიღეს.

საზღვაო ქვეითთა თამაშები ჩრდილეოთ კაროლინას შტატის სამხედრო ბაზაზე „კემპ ლეჟონი“ 12 მარტს ოფიციალურად გაიხსნა. ცერემონიაზე მონაწილეებს სიტყვით აშშ-ის საზღვაო ქვეითი ძალების გენერალმა გლენ ვოლტერსმა მიმართა და დაშავებულ სამხედრო მოსამსახურეებს წარმატებები უსურვა. შეჯიბრში აშშ-დან, ავსტრალიიდან, კოლუმბიიდან, საფრანგეთიდან, საქართველოდან, გერმანიიდან და გაერთიანებული სამეფოდან დაჭრილი და დაშავებული 173 სამხედრო მოსამსახურე სპორტის 7 სხვადასხვა სახეობაში ასპარეზობს.

ტურნირის ფარგლებში სხვადასხვა საბრძოლო მოქმედებებში დაჭრილ და დაშავებულ ქართველ სამხედრო მოსამსახურეებს სირბილისა და მჯდომარე კალათბურთის შეჯიბრშიც მოუწევთ მონაწილეობა.