„თუ ვიკითხავთ, უახლოვდება თუ არა საქართველო ნატოს, პასუხი იქნება - დიახ“

„თუ ვიკითხავთ, უახლოვდება თუ არა საქართველო ნატოს, პასუხი იქნება - დიახ“ - ლინას ლინკევიჩუსი

პოლიტიკა - 12:03, 20 Mar, 2018

2093

ლიტვა მზადაა ევროკავშირის წევრ ქვეყნებთან ერთად „ტატუნაშვილი-ოთხოზორიას სიის“ მიღებასთან დაკავშირებით საქართველოს ინიციატივა განიხილოს.

ამის შესახებ ლინას ლინკევიჩუსმა „კურიერთან“ ექსკლუზიურ ინტერვიუში ისაუბრა.

„ჩვენ მზად ვართ ნებისმიერი ინიციატივის განსახილველად. უკვე გავაკეთეთ განცხადებები ცხინვალის საქმეზე. აღვნიშნეთ, რომ მნიშვნელოვანია დავაკვირდეთ როგორ განვითარდება მოვლენები. ამ ეტაპზე მომხდარ ფაქტს არ უარყოფენ, მაგრამ ცდილობენ ნაკლები მნიშვნელობა მიანიჭონ და შეცდომად ან გაუგებრობად შეაფასონ. ასე რომ მთავარია თვალი ვადევნოთ. ჩვენ კი ნებისმიერი დისკუსიისთვის მზად ვართ,“-განაცხადა ლინკევიჩუსმა.

ლიტვის პირველმა დიპლომატმა ასევე ისაუბრა საქართველოს ნატოში ინტეგრაციის პროცესზე და რუსეთის მხრიდან მომდინარე საფრთხეებზე.

„თუ პირდაპირ მეკითხებით არის თუ არა მზად ალიანსი რომ საქართველო მიიწვიოს ნატოში გასაწვერიანებლად მომავალ სამიტზე, გულახდილად გიპასუხებთ, რომ ამ ეტაპზე არა. მაგრამ თუ ვიკითხავთ უახლოვდება თუ არა საქართველო ნატოს, პასუხი იქნება -დიახ. ძალიან მნიშვნელოვანია რომ საქართველომ გააგრძელოს რეფორმები რეფორმებს თქვენ საკუთარი ქვეყნისთვის ატარებთ და არა სხვებისთვის. დრო ნამდვილად არ უნდა დაიკარგოს.

მზად უნდა იყოთ, გაწევრიანების დრო აუცილებლად მოვა. თუ ეს დრო დადგება და თქვენ მზად არ იქნებით, მოგიწევთ საკუთარ თავს დააბრალოთ. ეს კი ნამდვილად არ მინდა მოხდეს“- ამბობს ლინას ლინკევიჩუსმა „კურიერთან“ ექსკლუზიურ ინტერვიუში.

წყარო rustavi2.ge