"აუქციონამდე რამდენიმე საათით ადრე, ფონდის რეგისტრაცია დაგვიხარვეზეს"- ოპოზიცია აუქციონში პერსონალურად იღებს მონაწილეობას

პოლიტიკა - 11:21, 20 Mar, 2018

1966

ოპოზიციური პარტრტიის წარმომადგენლები, რომელმაც დმანისის გადარჩენის მიზნით ფონდი დაარეგისტრირეს ეკონომიკის სამინისტროში იმყოფებიან და აუქციონში მონაწილეობას იღებენ.

როგორც გიორგი ვაშაძემ ჟურნალისტებს განუცხადა, სამინისტრო დმანისის გადარჩენის ფონდს ხელოვნურად უქმნის პრობლემას.

მისი თქმით, გუშინ, სამუშაო საათების დასრულების შემდეგ მათ აცნობეს, რომ დოკემეტში ტექნიკური ხარვეზები ჰქონდათ, რაც მისი შეფასებით ბუნდოვანი განმარტებაა.

მიუხედავად ამისა ვაშაძის თქმით, მათ წინასწარ გადადგეს პრევენციული ნაბიჯები და ის მაინც, პერსონალურად მიიღებს გამოცხადებულ აუქციონში მონაწილეობას.

"როგორც ვთქვით, ჩავერთეთ აუქციონში და პროცესს მივყვებით ბოლომდე. გუშინ, სამუშაო საათების დასრულების შემდეგ, დაგვიკავშირდნენ იუსტიციის სახლიდან და გვითხრეს, რომ ჩვენი ფონდის წესდება დახარვეზდა, რაც იმას ნიშნავს, რომ ფონდმა ვერ გაიარა რეგისტრაცია. ოპოზიციურმა პარტიებმა ფონდი დავარეგისტრირეთ აუქციონში მონაწილეობისთვის,RMG გოლდის წინააღმდეგ. რა თქმა უნდა, ველოდით მსგავსს სცენარს, სწორედ ამიტომ, თავის დაზღვევის მიზნით, პარალელურად დავრეგისტრირდი მეც ფიზიკურ პირად და ვიღებთ აუქციონში მონაწილეობას. ეს ყოველივე ადასტურებს, რომ სახელმწიფო და ბიზნეს სექტორი, ამ შემთხვევაში RMG გოლდი, არიან დანაშაულებრივ შეთქმულებაში და ყელაფერს აკეთებენ იმისთვის რომ ადამიანების ჯანმრთელობის ხარჯზე მიითვისონ კიდევ უფრო მეტი თანხები. ჩვენ ვრჩებით სამინისტროსთან და ვაგრძელებთ აუქციონში მონაწილეობას"- განაცხადა გიორგი ვაშაძემ.

ოპოზიციის შეფასებით, ეს არის ნათელი მაგალითი, იმისა რომ სახელმწიფო კერძო კომპანიას ლობირებს.

სოფელ დიდ დმანისში მდებარე 162868.00 კვ.მ არასასოფლო-სამეურნეო დანიშნულების მიწის ნაკვეთის მფლობელის ვინაობა დღეს გაირკვევა. აუქციონში, რომელშიც მონაწილეობას RMG Gold-ი და დმანისის გადარჩენის ფონდი იღებს მონაწილეობას დღეს 17:00 საათზე დასრულდება.

გუშინ აღნიშნულ ტერიტორიაზე „დმანისის გადარჩენის ფონდის“ წევრები იმყოფებოდნენ, ისინი Rmg Gold-ისთვის აუქციონის პრინციპით, კომპანიაზე მორგებული პირობებით ტერიტორიების გადაცემას აპროტესტებდნენ და აცხადებდნენ, რომ აღნიშნული ტერიტორიით Rmg Gold-ი უკვე სარგებლობს.