ოკუპირებულ აფხაზეთში ვლადიმირ პუტინმა ხმების 94% მიიღო

პოლიტიკა - 11:22, 20 Mar, 2018

1506

ოკუპირებული აფხაზეთში რუსეთის ელჩის, სემიონ გრიგორიევის განცხადებით, რუსეთის საპრეზიდენტო არჩევნებში ვლადიმირ პუტინმა ოკუპირებულ ტერიტორიაზე ხმების 94,21 პროცენტი მიიღო.

როგორც გრიგორიევმა განაცხადა, აფხაზეთში არჩევნები შედგა .

„რუსეთის კანონმდებლობის შესაბამისად, აფხაზეთში მოსახლეობამ არჩევნებში მიიღო მონაწილეობა. ხმის მიცემის მიზნით, მოქალაქეებისთვის 20 საარჩევნო უბანი გაიხსნა. კენჭისყრაში მონაწილეობა 41,149 ადამიანმა მიიღო მონაწილეობა“ - განაცხადა გრიგორიევმა.

გრიგორიევმა შედეგები გაასაჯაროვა:

ვლადიმერ პუტინი - 94,21 პროცენტი; 39 427 ხმა
პაველ გრუდინინი - 2,46 პროცენტი; 1029 ხმა
ვლადიმირ ჟირინოვსკი - 1,56 პროცენტი; 654 ხმა
სერგეი ბაბურინი - 0,68 პროცენტი; 286 ხმა
ქსენია სობჩაკი - 0,59 პროცენტი; 247 ხმა
მაქსიმ სურაიკი - 0,24 პროცენტი; 98 ხმა
გრიგორი იავლინსკი - 0,15 პროცენტი; 65 ხმა
ბორის ტიტოივი - 0,1 პროცენტი. 45 ხმა

გრიგორიევის თქმით, აფხაზეთში, ისევე როგორც მთელ რუსეთში, პუტინმა დიდი უპირატესობით გაიმარჯვა.

შეგახსენებთ, 65 წლის ვლადიმირ პუტინი ისევ რუსეთის პრეზიდენტია .

ადამიანი, რომელიც დღეის ჩათვლით უკვე მე-18-ე წელია მართავს ქვეყანას, ქვეყნის სათავეში მინიმუმ კიდევ 6 წელი დარჩება.

საპრეზიდენტო არჩევნებზე მან ხმების 76,65%-ი მიიღო. რუსეთის ცენტრალური საარჩევნო კომისიის ცნობით, საპრეზიდენტო არჩევნებზე პუტინს მხარი 55 მილიონ 403 971-მა ადამიანმა დაუჭირა.