პარლამენტში დღეს სახელმწიფო აუდიტის სამსახურის 2017 წლის ფინანსური აუდიტის განმახორციელებელი საქართველოს პარლამენტის დროებითი კომისიის სხდომა გაიმართება, აღნიშნული კომისია მთავარი მაკონტროლებელი ორგანოს ფინანსურ ხარჯებს შეისწავლის და დაადგენს რამდენად სწორად დახარჯა სახელმწიფო აუდიტის სამსახურმა 2017 წელს ბიუჯეტიდან გამოყოფილი დაახლოებით 14 მილიონზე მეტი.

კომისიამ საბოლოო დასკვნა, რომელსაც მხოლოდ სარეკომენდაციო დანიშნულება ექნება, სამ თვეში უნდა მოამზადოს.

კონსტიტუციიდან გამომდინარე და საერთაშორისო პრაქტიკიდან გამომდინარე, ჩვენ არ გვაქვს უფლება მათ მიერ განხორციელებული ანგარიშების რევიზია ჩავატაროთ. ჩვენ ვსწავლობთ მხოლოდ ფინანსურ აუდიტს, რა თანხებიც იყო გამოყოფილი აუდიტის სამსახურზე როგორ დაიხარჯა ხელფასები, კანონთან შესაბამისობა, მივლინებები,“-განაცხადა სახელმწიფო აუდიტის სამსახურთან ფინანსური აუდიტის განმახორციელებელი დროებითი კომისიის თავმჯდომარე პაატა კვიჟინაძემ.