ე.წ. ქართული მარშის ლიდერი, სანდრო ბრეგაძე აცხადებს, რომ რუსთავი 2- ის ეზოში გამართული აქცია მშვიდობიანი იყო და პროვოკაციას თავად გიორგი გაბუნია ცდილობდა.

„ეს იყო ახალგაზრდების მშვიდობიანი აქცია, გაბუნია პროვოკაციულად გამოვიდა ახალგაზრდებთან და მას უნდოდა ხელი მოხვედროდა, მაგრამ საბედნიეროდ მას ხელი არ მოხვდა, ეს არის რელიგიური გრძნობების შეურაცხყოფა და იესო ქრისტეს შეურაცხყოფა არის,"-აცხადებს სანდრო ბრეგაძე, რომელიც ამტკიცებს, რომ ძალადობას ადგილი არ ჰქონია და რაც შეეხება, "რუსთავი 2"-ის ჟურნალისტს დავით ერაძეს, რომელსაც ფიზიკური შეურაცხყოფა მიაყენეს, სანდრო ბრეგაძის თქმით, ის ამ ფაქტს არ შესწრებია.

„ძალადობრივი ფაქტი ჩვენი მხრიდან არავის მიმართ არ ყოფილა, თითით არ შევხებივართ აბსოლუტურად არავის...ერთ-ერთ ჟურნალისტს ცხვირი მოტეხილი აქვს თუ არა ამას დაადგენს შესაბამისი უწყებები. მე არ შევსწრებივარ ამ ფაქტს,“-ამბობს სანდრო ბრეგაძე.