"რ2 დგას ანგარიშსწორების რისკის წინაშე"- გვარამიას მიმართვა საერთაშორისო თანამეგობრობას და ხელისუფლებას

პოლიტიკა - 18:30, 19 Mar, 2018

3864

ტელეკომპანია რუსთავი2-ის გენერალური დირექტორი, მაუწყებლის ეზოში დღეს განვითარებულ მოვლენებს სპეციალური ბრიფინგით გამოეხმაურა. გვარამიამ საერთაშორისო თანამეგობრობას, საქართველოში აკრედიტებულ დიპლომატებს, პოლიტიკურ ძალებს,არასამთავრობო ორგანიზაციებს და ქართველ ხალხს მიმარტა და განაცხადა, რომ ტელეკომპანია რუსეთიდან დაფინანსებული ორგანიზაციებსი მხრიდან ანგარიშსწორების რისკის წინაშე დგას:

„რუსთავი2 მიმართავს საერთაშორისო თანამეგობრობას, საქართველოში აკრედიტებულ დიპლომატებს, პოლიტიკურ ძალებს,არასამთავრობო ორგანიზაციებს და საქართველოს ხალხს, ჩვენი ტელეკომპანია დგას ანგარიშსწორების რისკის წინაშე რუსეთიდან მართული და დაფინანსებული ძალების მხრიდან. მოგიწოდებთ გააკეთოთ ყველაფერი რაც თქვენ ძალებში შედის რათა დაცული იყოს ჩვენი უსაფრთხოება და ჟურნალისტური თავისუფლება.“- განაცხადა ნიკა გვარამიამ.

რ2-ის გენდირექტორმა ხელისუფლებასაც მიმართა. ნიკა გვარამიას თქმით, თუ ხელისუფლება დამნაშავეებს სათანადოდ არ დასჯის, მაშინ ჩაითვლება, რომ ეს ძალები სწორედ ხელისუფლებისგან არიან მართულები:

„საქართველოს ხელისუფლებას ვაფრთხილებ, არამხოლოდ ჟურნალისტ გიორგი გაბუნიას, არამედ რ2-ის ნებისმიერ თანამშრომელზე ნებისმიერი ზემოქმედების, მათი მხრიდან ერთი თმის ღერის ჩამოვარდნაზე, პასუხისმგებლობა ეკისრება საქართველოს ხელისუფლებას. დღეიდან მათ მართებთ უფრო სერიოზულად მიუდგნენ საკთხს და ჩვენც და საზოგადოებასაც დაუდასტურონ რომ ეს ძალა ხელისუფლების მხრიდან არაა მართული. თუ ეს ადამიანები უმკაცრეს სისხლის სამართლებრივ პასუხიმგებლობაში არ მიეცნენ და არ მოხდა მათი იზოლაცია საზოგადოებიდან, ჩვენ უფლებას ვიტოვებთ ჩვათვალოთ რომ ეს ძალა მართულია ხელისუფლების მიერ.“- განაცხადა ნიკა გვარამიამ.

შეგახსენებთ დღეს ე.წ ქართულმა მარშმა ტელეკომპანიის ეზოში შესვლის საშუალება არ მიცა ავტომობილს, რომლითაც გიორგი გაბუნია და ტელეკომაპნიის იურისტი, თამთა მურადაშვილი გადაადგილდებოდნენ. შეკრებილებმა დააზიანეს ავტომობილი, ასევე თავდასხმა მოხდა კურიერის“ ჟურნალისტ დავით ერაძეზე.

ქართული მარშის წარმომადგენლები გიორგი გაბუნიასგან ბოდიშის მოხდას ითხოვდნენ იმ განცხადებასთან დაკავშირებით, რომელიც მან „არჩევანის“ ეთერში გააკეთა. მათი თქმით, გიორგი გაბუნიამ მკრეხელური განცხადება გააკეთა და მათი რელიგიური გრძნობები შეურაცხყო.