დმანისში, ტერიტორიაზე, რომელიც აუქციონზეა გატანილი ოპოზიციის წარმომადგენლები და RMG GOLD-ის თანამშრომლები იმყოფებიან. ადგილზე ეკონომიკის სამინისტროს წარმომადგენლებიც ჩავიდნენ, რათა მათ კითხვებზე პასუხი გაეცათ. თუმცა, მათ ადგილზე არავითარი შესაბამისი დოკუმენტაცია არ ჰქონიათ.

ოპოზიცია ელექტრონულ აუქციონზე გატანილი მიწის ფართობის თავიდან აზომვას მოითხოვს, სწორედ ამიტომ მათ ეკონომიკის სამინისტროს შესთავაზეს ხვალ, როგორც სამინისტროს, ასევე ოპოზიციის მხრიდან ორი დამოუკიდებელი აზომვითი სამუშაოს ჩატარება, რადგან ოპოზიცია უნდობლობას უცხადებს თავად rmg-ისა და ეკონომიკის სამინისტროს მიერ ჩატარებულ აზომვით სამუშაოებს.

აღნიშნულ ტერიტორიაზე ამ სამუშაოების ჩასატარებლად შეხვედრა ხვალ უნდა შედგეს. მიუხედავად ამ პირობისა, ეკონომიკის სამინისტროს წარმომადგენლებმა აზომვითი სამუშაოების წარმოება მაინც დაიწყეს.