უბედური შემთხვევა გუდაურში - ერთ-ერთი საბაგირო მწყობრიდან გამოვიდა, რის შედეგადაც ათზე მეტი ადამიანი დაშავდა. ადგილზე ეკონომიკის მინისტრი დიმიტრი ქუმსიშვილი იმყოფება, რომელმაც განაცხადა, რომ გამოძიება მიმდინარეობს და უმკაცრესად დაისჯება ის, ვისი პასუხისმგებლობის საკითხიც დადგება:

„ამ წუთებისთვის მაქსიმალური მობილიზაციაა გამოცხადებული, გამოძახებულია ვერტმფრენი თბილისიდან, ერთი ვერტმფრენი გადმოდის ყაზბეგიდან, რა თქმა უნდა ჩვენ გავაკეთებთ ყველაფერს, რომ არავის სიცოცხლეს და არავის ჯანმრთელობას საფრთხე აღარ დაემუქროს, რაც მოხდა ეს იყო უბედურება.

საბაგირო გზა იყო შემოწმებული, თუმცა ამას აღარ აქვს არანაირი მნიშვნელობა, შემთხვევა მოხდა, მას ჩაუტარდა შემოწმება დეკემბრის ბოლოს, მაგრამ ფაქტი მოხდა, ახლა გამოძიებამ უნდა დაადგინოს და აუცილებლად უმკაცრესად უნდა დაისაჯოს ის, ვინც ამაში დამნაშავეა, ძალიან სერიოზული პასუხისმგებლობები დადგება“, - განაცხადა დიმიტრი ქუმსიშვილმა.