"კონგრესსა და სენატში გამოითქვა მზადყოფნა, რომ გადაიდგას კონკრეტული ნაბიჯები, რათა ქართულ - ამერიკული ურთიერთობები თვისობრივად მაღალ დონეზე გადავიდეს"

"კონგრესსა და სენატში გამოითქვა მზადყოფნა, რომ გადაიდგას კონკრეტული ნაბიჯები, რათა ქართულ - ამერიკული ურთიერთობები თვისობრივად მაღალ დონეზე გადავიდეს" - რაქვიაშვილი

პოლიტიკა - 17:59, 15 Mar, 2018

1011

საქართველოს პრეზიდენტი გიორგი მარგველაშვილი ვაშინგტონში ვიზიტს განაგრძობს და შეხვედრებს მართავს აშშ-ს კონგრესსა და სენატში.

შეხვედრებზე საქართველოს პრეზიდენტი საქართველო - აშშ-ს ორმხრივი ურთიერთობების მზარდი დინამიკის მნიშვნელობას, საქართველოს და რეგიონის წინაშე არსებულ უსაფრთხოების გამოწვევებს, მასთან გამკლავებისმექანიზმებს განიხილავს.

საქართველოს ეროვნული უშიშროების საბჭოს მდივნის დავით რაქვიაშვილის განცხადებით, სენატის და კონგრესის ხელმძღვანელობასთან საქართველოს პრეზიდენტის მთავარი გზავნილი იყო, რომ ქართველი ხალხისდასავლური არჩევანი შეუქცევადია და ამ არჩევანის დასაცავად აუცილებელია ქართულ - ამერიკული ურთიერთობების თვისობრივად ახალ, მაღალ დონეზე გადაყვანა.

"ეს სულისკვეთება სრულიად გაიზიარეს ორივე პარტიის წარმომადგენლებმა. გამოითქვა მზადყოფნა, რომ გადაიდგას კონკრეტული ნაბიჯები, რათა გაზრდილი გამოწვევების და უსაფრთხოების გაუარესებული გარემოს, ამერიკისა და ქართველი ხალხის ინტერესების შესაბამისად ქართულ -ამერიკული ურთიერთობები ახალ, თვისობრივად მაღალ დონეზე გადავიდეს", - აღნიშნა დავით რაქვიაშვილმა.

პრეზიდენტის ვიზიტის მთავარი ამოცანა საქართველოს უსაფრთხოების მიმართ აშშ-ს ხელისუფლების წარმომადგენლების მხარდაჭერის გამყარება, ინტენსიური დიალოგის გაძლიერება და საქართველოს მხარდამჭერთაკონსოლიდაციაა.