,,ტექსტში არის ჩამალული ნიუანსი, რაც შეიძლება საჯარო არ იყოს" - თედო ჯაფარიძე ოპოზიციას პასუხობს და პოლიტიკანებს უწოდებს

პოლიტიკა - 17:38, 15 Mar, 2018

1413

რუსეთ-საქართველოს ურთიერთობებზე პრემიერ კვირიკაშვილის განცხადებასთან დაკავშირებით 12 ოპოზიციური პარტიის მიერ გავრცელებულ განცხადებას საგარეო ურთიერთობების საკითხებში საქართველოს პრემიერ-მინისტრის მრჩეველი თედო ჯაფარიძე პასუხობს. ჯაფარიძის თქმით, ამ ტექსტში ეს ყველაფერი მიმართულია იმისაკენ, რომ ჩვენი ქვეყანა გახდეს სტაბილური და იყოს უსაფრთხო. ხოლო რაც შეეხება წერილის კრიტიკოსებს მათ ეს განცხადება საკუთარი კონიუნკტურის გათვალისწინებით გამოიყენეს:

„მინდა რამდენიმე სიტყვა ვუთხრა იმ ექსპერტებს და ქართველ პოლიტიკანებს, რომლებმაც ეს განცხადება გამოიყენეს როგორც საკუთარი კონიუნკტურის გათვალისწინებით. უნდა გითხრათ რომ მათ პირველ რიგში ზიანი მიაყენეს საკუთარ თავს. მინდა გაითვალისწინონ, ყიჟინით აღსავსე ჩვენმა კრიტიკოსებმა, რომ დოკუმენტების და განცხადებების წაკითხვას საკმაო გამოცდილება და ცოდნა სჭირდება და ტექსტში არის უამრავი ჩამალული ნიუანსი და დეტალი, რომელიც შეიძლება საჯარო არ იყოს. რაც გაცხადებულია ამ ტექსტში ეს ყველაფერი მიმართულია იმისაკენ, რომ ჩვენი ქვეყანა გახდეს სტაბილური და იყოს უსაფრთხო.“- განაცხადა თედო ჯაფარიძემ.