,,სააკაშვილი პატივს უნდა სცემდეს სახელმწიფო ინსტიტუტებს"

,,სააკაშვილი პატივს უნდა სცემდეს სახელმწიფო ინსტიტუტებს" - გიორგი მარგველაშვილი

პოლიტიკა - 16:50, 15 Mar, 2018

3073

საქართველოს მესამე პრეზიდენტის მიხეილ სააკაშვილის ექსტრადირების თემასთან დაკავშირებულ კითხვებს უპასუხა „Foreign Policy”-სთან ინტერვიუში გიორგი მარგველაშვილმა. საქართველოს პრეზიდენტი მიიჩნევს, რომ სააკაშვილის მხირდან საქართველოს მოქალაქობის დატოვება და უკრაინის მოქალაქედ გახდომა არ იყო სწორი ნაბიჯი. მარგველაშვილი ამბობს, რომ ქვეყნის მესამე პრეზიდენტი სახელმწიფოს ინსტიტუტებს პატივს უნდა სცემდეს.

FP: სააკაშვილი უკრაინიდან გამოაძევეს და ის პოლონეთში დაბრუნდა. საქართველო კვლავ ცდილობს მას ექსტრადირებას?

GM: გულწრფელად რომ გითხრათ, ეს პროცედურები ჩვეულებრივ, წარიმართება პროკურატურის, პოლიციის, ან შესაბამისი სახელმწიფოს მხრიდან. მე ვიცი, რომ მისი ექსტრადიცია მოითხოვეს უკრაინაში, მაგრამ არ ვიცი, იგივე მოხდება თუ არა სხვა სახელმწიფოებთან.

FP: ფიქრობთ, რომ ეს უნდა მოხდეს?

GM: მჯერა, რომ ორჯერ არჩეულ პრეზიდენტს გააჩნია პასუხისმგებლობა, რომ პატივი სცეს სახელმწიფო ინსტიტუტებს... ამიტომაც არ გავამართლე, ის, რომ მან საქართველოს მოქალაქეობაზე განაცხადა უარი და უკრაინის მოქალაქე გახდა. არ მიმაჩნდა, რომ ეს სწორი საქციელი იყო. ის იყო ქვეყნის მთავარსარდალი და საქართველოს პრეზიდენტი ორი ვადით, შესაბამისად, ის უნდა პასუხობდეს კითხვებს. ის პატივს უნდა სცემდეს ქვეყნის სახელმწიფო ინსტიტუტებს.