"ხვალ შეიძლება ძალიან მძიმე შედეგები დადგეს იქ მცხოვრები ადამიანებისთვის“ - კორძაია საყდრისის აუქციონის გაუქმების აუცილებლობაზე საუბრობს

პოლიტიკა - 12:53, 14 Mar, 2018

1295

"საქართველოს რესპუბლიკური პარტიის" პოლიტიკური მდივანი თამარ კორძაია აცხადებს, რომ ხელისუფლება „rmg gold”-ს სიმბოლურ ფასად ჩუქნის, კომოპანია კი საკუთარ ვალდებულებასაც არ ასრულებს.
„ჩვენ გვაქვს საფუძვლიანი ეჭვი, რომ იმ ტერიტორიაზე, დმანისში, რომლის ფარგლებშიც გამოცხადდა აუქციონი, უკვე მიმდინარეობს სამუშაოები და ეს არის ფორმალური პროცედურა, რომლითაც „rmg gold”-ს უკანონებენ იმას, რომელსაც პრაქტიკულად უკვე ახორციელებს და აკანონებენ წიაღისეულის მოპოვებას უფასოდ, იმიტომ, რომ 15 ათასი ლარიიჯარისთვის წლიურად, ეს არის ჩუქება ამ ტერიტორიის, იმ კომპანიისთის, რომელიც საკუთარ ვალდებულებებს არ ასრულებს, ზიანის ანაზღაურებას არ ახდენს, რომელსაც ის გარემოს აყენებს თავისი საქმიანობის ფარგლებში, ამიტომაც ჩვენ მივმართეთ სწორედ იმ უწყებას, რომელმაც მიიღო გადაწყვეტილება აუქციონის გამოცხადების შესახებ. მისი უფლებამოსილებაა და შეაჩეროს ეს აუქციონი, რადგან ხვალ და ზეგ შეიძლება ძალიან მძიმე შედეგები დადგეს იქ მცხოვრები ადამიანებისთვის“, - განაცხადა თამარ კორძაიამ.

საყდრისის გადარჩენისთვის პოლიტიკურმა პარტიებმა ეკონომიკის სამინისტროს მიმართეს და დაგეგმილი აუქციონის გაუქმება მოითხოვეს.