"RMG -ისა და "ოცნების"დანაშაულებრივი ქმედებები - "ევროპული საქართველო" კომპანიის საქმიანობასთან დაკავშირებით საგამოძიებო კომისიის შექმნას ითხოვს

პოლიტიკა - 12:16, 14 Mar, 2018

978

„ევროპული საქართველო“ RMG-ის საქმიანობასთან დაკავშირებით პარლამენტის საგამოძიებო კომისიის შექმნას ითხოვს.
სერგო რატიანის განცხადებით, კომისიამ უნდა შეისწავლოს კომპანია RMG-ის მიერ კულტურული მემკვიდრეობის განადგურებისა და გარემოსთვის მიყენებული ზიანის ფაქტები.

,,RMG -ისა და ”ქართული ოცნების” დანაშაულებრივი ქმედებების შედეგად განადგურდა ქართული კულტურის უმნიშვნელოვანესი ძეგლი, მსოფლიოს უძველესი ოქროს მაღარო. უკანასკნელი მონაცემებით, ბოლო დროს ჩატარებულმა კვლევებმა აჩვენა ბოლნისისა და დმანისის მუნიციპალიტეტების ნიადაგებისა და წყლების მძიმე ლითონებით დაბინძურების მაღალი ხარისხი, როგორც 2017 წლის ივლისსა და ოქტომბერში, ასევე ნოემბერში. კვლევაში, ასევე, განმარტებულია, თუ რამდენად მავნე ზემოქმედება შეიძლება ჰქონდეს ამ მდგომარეობას მოსახლეობის ჯანმრთელობაზე. ამ ფონზე, RMG GOLD ითხოვს ,,საყდრისის” გროვული გამოტუტვის საწარმოო უბნის ექსპლუატაციის პირობების შეცვლას, კერძოდ, მოედნის გაფართოებას. ბოლო დროს განვითარებული მოვლენები კი ადასტურებს სახელმწიფოს მხრიდან აშკარა ხელშეწყობას”, - განაცხადა სერგო რატიანმა.

ცნობისთვის, 13 პოლიტიკური პარტია საქართველოს ეკონომიკისა და მდგრადი განვითარების მინისტრს დიმიტრი ქუმსიშვილს და ქონების ეროვნული სააგენტოს თავმჯდომარეს ეკატერინე სისაურს განცხადებით მიმართავს. ოპოზიცია სოფელ დიდ დმანისში შპს RMG Gold-ის მომიჯნავედ 16 ჰა მიწის ნაკვეთზე გამოცხადებული ელექტრონული აუქციონის გაუქმებას მოითხოვენ.