"Open Data Watch"-მა საქართველოს სტატისტიკური სისტემა დადებითად შეაფასა

პოლიტიკა - 11:15, 14 Mar, 2018

1460

ორგანიზაცია "Open Data Watch"-მა ღია მონაცემთა აღწერის (Open Data Inventory – ODIN) რიგით მესამე ანგარიში გამოაქვეყნა. ანგარიშში ასახულია სტატისტიკის ოფიციალური სამსახურების ვებ-გვერდებზე განთავსებული სტატისტიკური ინფორმაციის ხელმისაწვდომობის და სრულყოფილად მოცვის საკითხები (ODIN-ის გასაცნობად იხილეთ https://vimeo.com/257123501?lite=1).

ODIN-ის შეფასებით, 2017 წელს საქართველოს სტატისტიკური სისტემის საერთო შეფასებამ 55 ქულა შეადგინა და მას მსოფლიოს 180 ქვეყანას შორის 38-ე, რეგიონში კი პირველ ადგილი მიენიჭა. შეფასების ელემენტები კატეგორიებისა და კრიტერიუმების მიხედვით ხელმისაწვდომია odin.opendatawatch.com/Report/countryProfile/GEO?appConfigId=4

ODIN-ის დანიშნულებაა ოფიციალური სტატისტიკის ხელმისაწვდომობის ობიექტური შეფასება, რომელიც ეფუძნება ღია მონაცემთა განსაზღვრებას. მსოფლიოს რეგიონების მიხედვით მონაცემთა აღწერასა და ცვლილებების შეფასებას "Open Data Watch" უკვე მესამე წელია ახორციელებს.

2017 წელს ღია მონაცემთა შეფასება 180 ქვეყანაში ჩატარდა და მან მოიცვა 21 სტატისტიკური კატეგორია და მოიცავს ეკონომიკური, სოციალური, დემოგრაფიული და გარემოს სტატისტიკის ძირითად მიმართულებებს. როგორიცაა: მოსახლეობა და ბუნებრივი მოძრაობა, განათლება და ჯანდაცვა, გენდერული სტატისტიკა, სამართლებრივი სტატისტიკა, სიღარიბის მაჩვენებლები, ეროვნული ანგარიშები, დასაქმება, ფასების ინდექსები, სახელმწიფო ფინანსები, საბანკო სექტორი, საგარეო ვაჭრობა, საგადასახდელო ბალანსი, მიწების გამოყენება, ენერგეტიკული მონაცემები, გარემოს დაბინძურება და სხვ. თითოეული მაჩვენებლის მიხედვით შეფასების მეთოდოლოგია განთავსებულია "Open Data Watch"-ის ვებ-გვერდზე.

ODIN-ის 2017 წლის ანგარიში, რომელშიც შესულია მონაცემები საქართველოს შესახებ (იხილეთ ბმული odin.opendatawatch.com/report/worldMap), რამდენიმე დღის წინ გამოქვეყნდა. ანგარიშის სრული ვერსია იხილეთ odin.opendatawatch.com/Downloads/otherFiles/ODIN-2017-Annual-Report.pdf.