"რუსულ პოლიტიკურ თარგმანში პირველად არ ხდება, როდესაც რეალური სასურველით იცვლება"- ციხელაშვილი რუსეთის საგარეო უწყების განცხადებაზე

პოლიტიკა - 12:31, 13 Mar, 2018

1500

შერიგებისა და სამოქალაქო თანასწორობის საკითხებში სახელმწიფო მინისტრის შეფასებით, რუსეთი საქართველოს მხრიდან გაკეთებული განცხადების მათთვის სასურველი სახით ინტერპრეტაციას ახდენს. ქეთევან ციხელაშვილის განცხადებით საქართველოს პრემიერ მინისტრის მიმართვაში საუბარი იყო არა საოკუპაციო რეჟიმებთან პირდაპირ დიალოგზე, არამედ იმ ადამიანებთან, აფხაზებთან და ოსებთან, რომლებთანაც საქართველოს ხელისუფლებას ერთიაანი მომავლის მშენებლობა წარმოუდგენია:

„ვფიქრობ რომ პრემიერის განცხადებაში ძალიან ცალსახად იყო ხაზგასმული ყველა ის მნიშვნელოვანი ასპექტი და მომენტი, რომელიც გახლავთ მათ შორის რუსულ-ქართული ურთიერთობის მოწესრიგების წინაპირობა, ამაში ვგულისხმობ კონფლიქტის მოგვარებას და მთავარი გამოწვევის დაძლევას რომელიც 2008 წლიდან გვაქვს. რუსულ პოლიტიკურ თარგმანში პირველად არ ხდება, როდესაც რეალური სასურველით იცვლება. აფხაზეთსა და სამრეთ ოსეთთან პირდაპირ დიალოგზე საუბარი არსად არ ყოფილა და ბუნებრივია ვერ იქნებოდა და ეს ძალიან კარგად ესმით რუსულ ისტებლიშმენტში. საუბარი გახლავთ აფხაზებთან და ოსებთან, საზოგადოებასთან და იმ ადამიანებთან, რომლებთანაც ჩვენ წარმოგვიდგენია მომავალში ცხოვრება და ამ მომავლის მშენებლობა“- განაცხადა ქეთევან ციხელაშვილმა.