ევროკავშირის ელჩი საქართველოში იანოშ ჰერმანი გიორგი კვირიკაშვილის განცხადებას ეხმაურება, რომელიც პრემიერმა 9 მარტს გააკეთა და რომლითაც იგი რუსეთის ხელისუფლებას მიმართავს.

ჰერმანის განცხადებით, პრემიერის განცხადება რთულ მომენტში გაკეთდა და იგი მოითხოვს გონივრული ნაბიჯების გადადგმას:

„გიორგი კვირიკაშვილის 9 მარტის განცხადება, რომელიც გაკეთდა რთულ მომენტში, მოითხოვს რუსეთის მხრიდან და რუსეთთან ერთად გონივრულ ნაბიჯებს და საქართველოს ოკუპირებული რეგიონების უფრო მეტ ჩართულობას. ჩვენ ვაკვირდებით შემდგომ კომპლექსურ დისკუსიას საქართველოში. ევროკავშირის არაღიარებისა და ჩართულობის პოლიტიკა გრძელდება“, – წერს ჰერმანი.