კულტურის სფეროს მუშაკები პუტინს წერილით მიმართავენ

კულტურის სფეროს მუშაკები პუტინს წერილით მიმართავენ - "ბატონო ვლადიმერ..."

პოლიტიკა - 12:12, 12 Mar, 2018

2890

საქართველოს კულტურის პალატისა და საქართველოს კულტურის სფეროს მუშაკები რუსეთის პრეზიდენტ ვლადიმირ პუტინს წერილობით მიმართავენ. ისინი არჩილ ტატუნაშვილის ცხედრის ქართული მხარისათვის გადაცემას მოითხოვენ. ღია წერილს საქართველოს კულტურის პალატა ავრცელებს:

“რუსეთის ფედერაციის პრეზიდენტს, ბატონ ვლადიმერ პუტინს

თბილისი. თბილისი / 11.03.2018

საქართველოს კულტურის პალატისა და საქართველოს კულტურის სფეროს მოღვაწეთა ღია წერილი:

ჩვენ, საქართველოს ხელოვნების სფეროში მოღვაწე ადამიანები შეშფოთებულები ვართ არჩილ ტატუნაშვილის დაღუპვის გამო. მდგომარეობას კიდევ უფრო ამძიმებს ის გარემოება, რომ ორ კვირაზე მეტია, ოკუპირებული ცხინვალის რეგიონიდან ვერ ხერხდება ცხედრის გადმოსვენება. ბატონო ვლადიმერ, ეს ფაქტი კიდევ უფრო აღვივებს რუსეთთან დაპირისპირებას და დარტყმის ქვეშ აყენებს ისედაც შესუსტებულ ქართულ-რუსულ ურთიერთობას. ჩვენ, ქართველი ხელოვანები კატეგორიულად მოვითხოვთ, დაუყოვნებლივ მოხდეს, ჩვენი მოქალაქის – არჩილ ტატუნაშვილის გადმოსვენება, რათა ოჯახმა და მთლიანად ქვეყანამ შევძლოთ ცხედრის დატირება.

ხელს ვაწერთ: ლია მიქაძე, ნუნუ გაბუნია, მარიკო კვალიაშვილი, ზურა ყიფშიძე, ირმა სოხაძე, თამრიკო ჭოხონელიძე, მაკა მახარაძე, ასმათ ტყაბლაძე, თეიმურაზ გვალია, დავით ოქიტაშვილი. ხელმოწერები გრძელდება.” – ნათქვამია წერილში.