„რეფორმებისადმი სელექციური მიდგომით ნაბიჯს უკან გადადგამთ“ - ევროპარლამენტარის მხილება და გაფრთხილება საქართველოს მთვრობას

პოლიტიკა - 12:17, 12 Mar, 2018

1938

ევროკავშირთან უვიზო მიმოსვლა - ვიზალიბერალიზაციის ამოქმედებიდან ერთი წელი გადის, უვიზო რეჟიმისთვის შექმნილი საფრთხეების შესახებ კი უკვე დიდი ხანია საუბრობენ. საკითხს „კვირის პალიტრასთან“ საუბრისას ლიტველი ევროპარლამენტარი პეტრას აუსტრებიჩუსი აფასებს:

„მინდა აღვნიშნო პრობლემის ერთ-ერთი მთავარი ფაქტორი, რომელიც ზოგჯერ ავიწყდებათ საქართველოს კრიტიკოსებს: თქვენს ქვეყანას სთხოვენ, ჰქონდეს უფრო მაღალი სტანდარტები - ქინება ეს ადამიანის უფლებები, ეკონომიკური რეფორმები თუ სამართალწარმოება - ვიდრე მანამდე გქონდათ. ასოცირების ხელშეკრულება ნიშნავს, რომ საქართველო ევროპულ სტანდარტებს დაამკვიდრებს, მაგრამ ეს ერთ დღეში არ მოხდება... მე კი ვიტყოდი, რომ თბილისში ზოგჯერ რეფორმების მიმართ სელექციურ მიდგომას ცდილობენ. გვეუბნებიან: აი, ამას გავაკეთებთ, ეს გადავდოთ, ეს არ გვინდა. ასე საქმე არ გამოვა. საქართველოს აქვს შანსი, წინ წავიდეს, მაგრამ ეს არ ნიშნავს მხოლოდ ქაღალდებზე ხელმოწერას - ცვლილებები რეალური უნდა იყოს, ამიტომ მოვუწოდებ ქართველ პოლიტიკოსებს, რეფორმებისადმი სელექციურ მიდგომას ნუ გამოავლენენ.

ჩვენ საქართველოს ბევრი რამის გაკეთება ვთხოვეთ, მაგრამ თვითონაც შევასრულეთ პირობა და უვიზო რეჟიმი ავამუშავეთ. ეს იყო ბრიუსელიდან აღიარება, რომ საქართველო სწორ გზაზე დგას. მაგრამ ვხედავთ - იქნება ეს კანონის უზენაესობა, მედიის თავისუფლება თუ ოპოზიციასთან თანამშრომლობა - მთავრობა ცდილობს, გვითხრას, ეს ევროკავშირის საქმე არ არის, ნუ ჩაერევით, ჩვენ თვითონ მივხედავთო. ასეთი მიდგომა სახიფათოა. არ მინდა გავაზვიადო და ვთქვა, რომ ამას მასშტაბური ხასიათი აქვს, მაგრამ თუ ეს სისტემურ მიდგომად იქცევა, ნაბიჯს უკან გადადგამთ“, - აცხადებს ევროპარლამენტარი.