„არსებობს საფრთხე, რომ შეჩერების მექანიზმი ამოქმედდეს?“ - აღნიშნულ კითხვას საქართველოსთან უვიზო მიმოსვლასთან დაკავშირებით, ლიტველი ევროპარლამენტარი პეტრას აუსტრევიჩუსი პასუხობს. ევროპარლამენტარი საკითხზე „კვირის პალიტრასთან“ ინტერვიუში საუბრობს:

„შეიძლება ამოქმედდეს, თუ არალეგალურად დამრჩენთა რიცხვი გაიზრდება. 2017 წლის პირველი ნახევრის სტატისტიკით, არც ისეთი დრამატული მონაცემები გვაქვს - 5%-საც არ აჭარბებს იმ ადამიანთა რიცხვი, რომლებიც აქ არალეგალურად რჩებიან, მაგრამ არსებობს ე.წ. ტოლერანტობის ზღვარი, და თუ გახშირდება განცხადებები ქართველი კრიმინალების შესახებ, მოგვიწევს ზომების მიღება. ყველაზე ცუდი კი ის არის, რომ ამის გამო, უპირველესად, კანონმორჩილი ადამიანები დაზარალდებიან, რადგან, შესაძლოა, რომელიმე ქვეყანამ მათ უვიზო შესვლაზე უარი უთხრას. მოკლედ, რისკი არსებობს, მაგრამ ვიმედოვნებ, მექანიზმის ამოქმედება საჭირო არ იქნება. თქვენს ქვეყანაში ომი არ მიმდინარეობს და გასაქცევად არ გაქვთ საქმე. ჩვენ საქართველოს სტაბილურ, მშვიდობიან ქვეყნად მივიჩნევთ. ქართველები ლტოლვილები არ ხართ - ბრიუსელში ასე არავინ აღგიქვამთ“, - აცხადებს ევროპარლამენტარი.