შეექმნება თუ არა საქართველოს ვიზალიბერალიზაციას საფრთხე

შეექმნება თუ არა საქართველოს ვიზალიბერალიზაციას საფრთხე - რა განცხადებები გაკეთდა ბრიუსელში

პოლიტიკა - 10:40, 09 Mar, 2018

1603

რადიო „თავისუფლების“ ჟურნალისტის, რიკარდ იოზვიაკის ინფორმაციით ბრიუსელში გამართულ ევროკავშირის შს მინისტრების შეხვეედრაზე გერმანიას საქართველოს საკითხი არ დაუყენებია.

„ევროკაშირის შინაგან საქმეთა მინისტრების შეხვედრაზე გერმანიას არ დაუყენებია, საკითხი იმის შესახებ, რომ საქართველო ვიზალიბერალიზაციას ბოროტად იყენებს. თუმცა ევროკავშირი აქვს მოლოდინი, რომ საქართველო გააააქტიურებს უვიზო რეჟიმთან დაკავშირებით უფლებების და მოვალეობების შესახებ საინფორმაციო კამპანიას. ევროკავშირის სავიზო საკითხების ექსპერტები ამ საკითხს 26 მარტს დაუბრუნდებიან“- წერს რიკარდ იოზვიაკი.

გუშინ გამართული შეხვედრის შემდეგ გამართულ ბრიფინგზე ამ თემას ევროკომისარი დიმიტრის ავრამოპულოსიც შეეხო.

მისი თქმით, ქართული მხარე გაფრთხილებულია არალეგალების რიცხვის ზრდასთან დაკავშირებით და იმედი გამოთქვა, რომ პრობლემის მოგვარებას ოფიციალური პირები შეძლებენ.

„როგორც გესმით, რა თქმა უნდა, ჩვენ ინფორმირებული ვართ ამ თემის შესახებ და გავუზიარეთ ჩვენი წუხილი საქართველოს ხელისუფლებას. მე პირადად მაქვს კონტაქტი საქართველოს ხელისუფლებასთან, რომელიც მზადყოფნას გამოთქვამს ითანამშრომლოს ჩვენთან და ძალიან კონკრეტული ნაბიჯებით უპასუხოს საქართველოდან ევროკავშირის წევრ ქვეყნებში არალეგალურ მიგრაციას. ჩვენ ძალიან აქტიურად ვთანამშრომლობთ. მათ ექნებათ ჩვენი მხარდაჭერა, როგორც ეს იყო სხვა მსგავს შემთხვევებში. მე ხშირად ვამბობ, რომ ვიზალიბერალიზაცია არის უფლება, რომელსაც ასევე ვალდებულებები ახლავს თან. ამ საკითხზე და რისკებზე, რომლებიც თავშესაფრის უსაფუძვლო მოთხოვნასთან არის დაკავშირებული, მუდმივად უნდა იყოს საუბარი საინფორმაციო კამპანიების საშუალებით. დარწმუნებული ვარ რომ საქართველოს ხელისუფლების მიერ პრობლემის მოგვარებისთვის მზადყოფნა, შედეგს მალე მოიტანს“- განაცხადა ავრამოპულოსმა.