ცხინვალის საოკუპაციო რეჟიმის წარმომადგენელს ,,რუსთავი 2“-თან სკანდალური ინტერვიუს გამო პრეტენციები აქვს

პოლიტიკა - 16:07, 07 Mar, 2018

2848

ცხინვალის საოკუპაციო რეჟიმის წარმომადგენელს, ახალგორის ე.წ გამგებელს ფილიპ ხაჩიროვს, არჩილ ტატუნაშვილის მკვლელობასთან დაკავშირებით „რუსთავი2“-სთვის მიცემული სკანდალური ინტერვიუს გამო პრეტენზიები აქვს და ქართულ მედიასაშუალებას პროვოკაციაში ადანაშაულებს. მისი თქმით ქართულმა ტელეარხმა მისი განცხადება კონტექსტიდან ამოგლეჯილად გაუშვა.

„მე დამირეკეს უცხო ნომრიდან, მე მექნიკურად ვუპასუხე, პიროვნებამ თავი წარმომიდგინა, როგორც ნოდარი და ტატუნაშვილთან დაკავშირებით შემქნნილი სიტუაციის კომენტირება მომთხოვა. ის მეკითხებოდა მჯერა თუ არა რომ ტატუნაშვილი გულის უკმარისობით გარდაიცვალა. მე ვუპასუხე, რომ საკითხის ასე დასმა თავისთავად არასწორია. არსებობს გამოძიების ვერსია და წერტილი. მე ვნანობ, რომ ინტერვიუ დიქტოფონზე არ ჩავიწერე. საერთოდ მე მაქვს შეგრძნება, რომ ყველაფერი ეს დაგეგმილი შეტევაა ჩემზე, როგორც რაიონის ხელმძღვანელზე “- განაცხადა ხაჩიროვმა.

ფილიპ ხაჩიროვის სკანდალური ინტერვიუ ტატუნაშვილის საქმეზე რუსთავი2-მა 5 მარტს გაავრცელა. სადაც ის აცხადებდა, რომ ტატუნაშვილის მკვლელობის შესახებ ინფორმაცია პოლიტიკური თანამდებობის პირებისთვისაც კი დაფარული იყო. ფილიპ ხაჩიროვი "კურიერს" უყვება იმასაც, რომ 23 თებერვალს ცხინვალის იზოლატორში მოკლული ტატუნაშვილის ცხედრის გადმოსვენებაზე ერთ-ერთი საერთაშორისო ორგანიზაცია მუშაობს, თუმცა ყველაფერი დამოკიდებული რუსულ სპეცსამსახურებზეა, რომელებმაც ხაჩიროვის თქმით ტატუნაშვილის ცხედრის ქართული მხარისთვის გადაცემაზე რეზოლუცია უნდა გასცეს.