"ქართულმა ოცნებამ“ საზოგადოებრივი მაუწყებელი აქცია პარტიული პროპაგანდის იარაღად“

"ქართულმა ოცნებამ“ საზოგადოებრივი მაუწყებელი აქცია პარტიული პროპაგანდის იარაღად“ - თამარ კეკენაძე

პოლიტიკა - 14:21, 07 Mar, 2018

1301

,,თავისუფალი დემოკრატების“ გენერალური მდივანი თამარ კეკენაძე საზოგადოებრივ მაუწყებელთან დაკავშირებულ იმ საკანონმდებლო ცვლილებებს კიდევ ერთხელ აკრიტიკებს.

კეკენიძის განცხადებით, ცვლილებები პოლიტიკური პარტიების, სამოქალაქო საზოგადოების, მედიის, საქართველოს პრეზიდენტის აქტიური წინააღმდეგობის მიუხედავად ხელისუფლებამ მაინც დაამტკიცა და, რომლებიც ძალზე უარყოფით რყევებს გამოიწვევს მედია ბაზარზე, შეავიწროებს კერძო მაუწყებლებს და ამავდროულად, შექმნის საზოგადოების წინაშე ანგარიშვალდებული მაუწყებლის გაუმჭვირვალედ საქმიანობის, კორუფციული გარიგებების დადების კანონიერ შესაძლებლობას.

,,ქართულმა ოცნებამ“ საზოგადოებრივი მაუწყებელი აქცია პარტიული პროპაგანდის იარაღად“, -ამბობს ,,თავისუფალი დემოკრატების“ გენერალური მდივანი.

,,საზოგადოებრივი მაუწყებელი გვეკუთვნის ჩვენ, საქართველოს მოქალაქეებს, რადგან ჩვენი გადახდილი გადასახადებიდან ვაფინანსებთ ამ ტელევიზიას. საზოგადოებრივი მაუწყებლის მთავარი ამოცანაა ემსახურებოდეს ჩვენი საზოგადოების ინტერესებს. ამ დროს, ,,ქართულმა ოცნებამ“ საზოგადოებრივი მაუწყებელი აქცია პარტიული პროპაგანდის იარაღად, გააუქმა ყველა ის გადაცემა, რომელიც ქვეყნის ევროატლანტიკური კურსის გამყარებას ემსახურებოდა, დახურა ევროპული ბიურო, მმართველ საბჭოში აპირებს შეიყვანოს პრორუსული განწყობის მქონე ადამიანები და კანონის ცვლილებით ხელ-ფეხს უხსნის კორუფციულ გარიგებებს . ამავდროულად, სხვა კერძო ტელევიზიებს უსპობს მუშაობის შესაძლებლობას. ჩვენი, ოპოზიციური პოლიტიკური პარტიების მოთხოვნაა: შეიცვალოს კანონი , დაიწყოს გამოძიება იმ ფინანსურ დარღვევებზე, რომლებიც სახელმწიფო აუდიტის სამსახურმა გამოავლინა და აღდგეს პროდასავლური გადაცემები” , - განაცხადა თამარ კეკენაძემ.