რუსეთის მიერ დაფინანსებული მედიის ინფორმაციით, ოკუპირებული ცხინვალის მოსახლეობა ტატუნაშვილის ცხედრის გადაცემას ეწინააღმდეგება

პოლიტიკა - 17:04, 06 Mar, 2018

2697

ოკუპირებულ ცხინვალში მოქალაქეების ნაწილმა საპქოტესტო აქცია გამართა და არჩილ ტატუნაშვილის ცხედრის ოჯახისთვის გადაცემა გააპროტესტეს. ინფორმაციას რუსეთის ხელისუფლების მიერ დაფინანსებული მედია sputnik-ossetia ავრცელებს.

გამოცემის ინფორმაციით, აქციაზე, მოსწავლეები, საბრძოლო მოქმედებების დროს დაღუპული და უგზო-უკვლოდ დაკარგული ოსი მებრძოლეების ოჯახის წევრები და ე.წ. დეპუტატები იყვნენ იყვნენ მისულები, რომლებიც ე.წ. ხელისუფლებას მოუწოდებენ, არ გადასცენ არჩილ ტატუნაშვილის ცხედარი ოჯახს.

„ჩვენი ტკივილი ევროპულ ქვეყნებამდე ვერ აღწევს, რომლებიც ყოველთვის დემოკრატიული ნორმების დაცვას უსვამენ ხაზს. მაგრამ დღეს საქართველოს ხელისუფლებამ, ჟურნალისტებმა და საზოგადოებამ საერთაშორისო დონეზე აიყვანეს მათი ერთ-ერთი მოქალაქის, არჩილ ტატუნაშვილის გარდაცვალება. ისმის მკაცრი მოთხოვნები მისი ცხედრის გადაცემისა. და ვინ გასცემს პასუხს ჩვენი ბიჭების ნაშთების შესახებ, რომლებიც საქართველოში განადგურდნენ?“ - განაცხადა მარიონეტული რეჟიმის დე ფაქტო პარლამენტის ე.წ. დეპუტატმა როზა ვალიევამ.

შეგახსენებთ, არჩილ ტატუნაშვილი 22 თებერვალს, დილით ახალგორიდან გაიტაცეს, 23 თებერვალს კი მისი მკვლელობის შესახებ გახდა ცნობილი.

ცხინვალის საოკუპაციო რეჟმი აცხადებდა, რომ ის გულის შეტევით გარდაიცვალა. მათი მტკიცებით, ტატუნაშვილმა სინასწარი დაკავების იზოლატორში გადაყვანისას თანმხლებ სამართალდამცავებს წინააღმდეგობა გაუწია და იარაღის წართმევა სცადა, რის გამოც მის წინააღმდეგ გამოყენებული იქნა ფიზიკური ძალა და სპეციალური საშუალებები, რის გამოც ტატუნაშვილმა წონასწორობა დაკარგა და კიბეზე დაეცა, მიღებული დაზიანებების გამო ის ცხინვალის საავადმყოფოში გადაიყვანეს სადაც გულის პრობლემების გამო გარდაიცვალა.

დღეს, საქართველოს საპატრიარქომ რუსეთის პატრიარქის წერილი გამოაქვეყნა, რომლის ტანახმადაც არჩილ ტატუნაშვილს ცხედარს ოჯახს ხვალ ან ზეგ გადმოსცემენ.