ეროვნული მექანიზმების როლი გენდერული თანასწორობისა და ქალთა გაძლიერების ხელშეწყობაში

ეროვნული მექანიზმების როლი გენდერული თანასწორობისა და ქალთა გაძლიერების ხელშეწყობაში - ორდღიანი კონფერენცია თბილისში

პოლიტიკა - 13:20, 06 Mar, 2018

822

5 მარტს, თბილისში, სასტუმრო „ვერე პალასის“ საკონფერენციო დარბაზში, გენდერული თანასწორობის ეროვნული მექანიზმების თემაზე ორდღიანი საერთაშორისო კონფერენცია გაიმართა, რომელშიც მონაწილეობა მიიღეს გენდერული თანასწორობის საკითხებზე მომუშავე საერთაშორისო ექსპერტებმა ლატვიიდან, ესპანეთიდან, შვედეთიდან და სერბეთიდან. კონფერენციაზე მთავარი განსახილველი საკითხი იყო ეროვნული მექანიზმების როლი გენდერული თანასწორობისა და ქალთა გაძლიერების ხელშეწყობაში. კონფერენცია პროექტის - ევროკავშირი გენდერული თანასწორობის უწყებათაშორისი კომისიის მხარდასაჭერად ორგანიზებით ჩატარდა და მასში მონაწილეობა საერთაშორისო ექსპერტებთან ერთად მიიღეს საქართველოს ხელისუფლების, ადგილობრივი თვითმმართველობის ორგანოების, საქართველოში ევროკავშირის დელეგაციის, გაეროს სააგენტოებისა და სამოქალაქო სექტორის წარმომადგენლებმა. კონფერენცია გახსნეს და მოწვეულ სტუმრებს სიტყვით მიმართეს ადამიანის უფლებებისა და გენდერული თანასწორობის საკითხებში პრემიერ-მინისტრის თანაშემწემ, გენდერული თანასწორობის საკითხებზე მომუშავე უწყებათაშორისი კომისიის თავმჯდომარემ სოფიო ჯაფარიძემ და კომისიის თანა-თავმჯდომარემ, იუსტიციის მინისტრის მოადგილემ გოჩა ლორთქიფანიძემ.

პროექტი - ევროკავშირი გენდერული თანასწორობის უწყებათაშორისი კომისიის მხარდასაჭერად დაიწყო 2017 წლის ოქტომბერში და დასრულდება 2019 წლის მაისში. მთავარი კონტრაქტორი არის NIRAS შვედეთი და კონსორციუმის წევრი CPM. გენდერული თანასწორობის საკითხებზე მომუშავე უწყებათაშორისი კომისია არის პროექტის მთავარი პარტნიორი და ასევე მისი ბენეფიციარი. პროექტის პარტნიორები არიან: ფინანსთა სამინისტრო; შინაგან საქმეთა სამინისტრო; შრომის, ჯანმრთელობისა და სოციალური დაცვის სამინისტრო; განათლების სამინისტრო; იუსტიციის სამინისტრო; საქსტატი; საქართველოს პროკურატურა; ადგილობრივი მუნიციპალიტეტები; მედია და სამოქალაქო სექტორი.

პროექტის მიზანია ხელი შეუწყოს საქართველოს აღმასრულებელ, საკანონმდებლო და სასამართლო ხელისუფლებას ეფექტიანად განახორციელონ გენდერული მეინსტრიმინგი საჯარო მმართველობაში.

პროექტი შედგება ოთხი ძირითადი კომპონენტისგან:

• ინსტიტუციური მექანიზმის გაძლიერება მონაწილეობითი მიდგომის გზით

• სქესის მიხედვით სეგრეგირებულ მონაცემთა შეგროვების ხელშეწყობა

• ცოდნის ამაღლება გენდერულად მგრძნობიარე ბიუჯეტირების კუთხით

• საზოგადოების ცნობიერების ამაღლება და კომუნიკაციის გაძლიერება პარტნიორებს შორის

პროექტის სამიზნე რეგიონებია: თბილისი, გორი, ზესტაფონი

დამატებითი ინფორმაციისათვის საკონტაქტო პირი: