ფემინისტების დამოუკიდებელი ჯგუფი 8 მარტს ფემინისტური ტურითა და მსვლელობით აღნიშნავს. მსვლელობა თბილისის სახელმწიფო უნივერსიტეტის პირველ კორპუსთან 12 საათზე დაიწყება.

„ქართული ფემინიზმის ისტორიის 100 წლის შემდეგ წლევანდელი 8 მარტის ფემინისტური ტური მრავალი ქალის ღვაწლის პოლიტიკური აღნიშვნაა!

ფემინისტების დამოუკიდებელი ჯგუფი 2018 წლის 8 მარტს ფემინისტური ტურითა და მსვლელობით აღნიშნავს.

საქართველოში ქალთა უფლებებისთვის ბრძოლა განსაკუთრებით გააქტიურდა მე–19 საუკუნის ბოლოდან, რასაც დაეფუძნა შემდგომი წლების ფემინისტური აქტივიზმი. ქალთა ჯგუფები კიდევ უფრო გაძლიერდნენ საქართველოს პირველი რესპუბლიკის წლებში, თუმცა, გასაბჭოების შემდეგ მათი ისტორია დიდი ხნით იქნა დავიწყებული.

ფემინისტების დამოუკიდებელი ჯგუფი გიწვევთ მსვლელობაზე, სადაც ხმამაღლა მოვითხოვთ საჯარო სივრცეში ადგილს ქალების ისტორიისთვის!

ტურის ფარგლებში 5 ისტორიულად მნიშვნელოვან ადგილს მოვინახულებთ და მათთან დაკავშირებულ ფემინისტურ ტექსტებს წავიკითხავთ.“- ნათქვამია მიმართვაში.