არჩილ ტატუნაშვილის მკვლელობის საკიტხს პოლონეთის საგარეო საქმეთა სამინისტრო ეხმაურება. უწყებამ შესაბამისი მიმართვა ტვიტერზე გამოაქვეყნა. პოლონეთი არჩილ ტატუნაშვილს რუსული ოკუპაციის კიდევ ერთ მსხვერპლს უწოდებს და მისი გარდაცვალების გარემოებების დაუყოვნებლივ გამოძიებას და დამნაშავეთა პასუხისმგებლობას ითხოვს:

„23 თებერვალს ცნობილი გახდა, რომ რუსეთის მიერ საქართველოს ტერიტორიების უკანონო ოკუპაციის კიდევ ერთი მსხვერპლი, არჩილ ტატუნაშვილი, გაურკვეველ ვითარებაში გარდაიცვალა.

ჩვენ მოვითხოვთ ამ ტრაგიკული მოვლენის ობიექტურ და სწრაფ გამოძიებას და დამნაშავეთა პასუხისმგებლობას.

მოვუწოდებთ დაუყოვნებლივ გაათავისუფლონ საქართველოს ყველა მოქალაქე, რომლებიც უკანონოდ არიან დაკავებულნი საქართველოს ოკუპირებულ ტერიტორიაზე.“- ნათქვამია პოლონეთის საგარეო საქმეთა სამინისტროს მიმართვაში.