საპრეზიდენტო კანდიდატი და ტესტი ოპოზიციისთვის - ,,ვინც არ იქნება მოწოდებული, ივანიშვილი დამარცხდეს, ის მოინათლება ოლიგარქთან ალიასნში მყოფ ძალად“

პოლიტიკა - 13:08, 05 Mar, 2018

1789

შეძლებს თუ არა ოპოზიცია საპრეზიდენტო არჩევნებისთვის ერთიან კანდიდატზე შეთანხმებას ან თუნდაც პრაიმერისის გზით ასეთი კანდიდატის გამოვლენას.

„ნაციონალურ მოძრაობაში“ კონსულტაციების დასაწყებად მზად არიან.

მელია ამბობს, რომ საპრეზიდენტო არჩევნებში ოპოზიციის ერთიანი კანდიდატის წარდგენა ხელისუფლების დამარცხების ერთადერთი საშუალებაა.

რეიტინგული ოპოზიციური პარტიის ერთ-ერთი ლიდერი სააკაშვილის შეთავაზებას ერთგვარ ტესტს უწოდებს და ამბობს, რომ ვინც ერთობის წინააღმდეგია, ის პოლიტიკური პარტია ყოფილ პრემიერთან ალიანსში ყოფნას დაადასტურებს.

"ნაციონალური მოძრაობა ძალიან ბევრ ოპოზიციურ პარტიასთან, სხვა და სხვა დონეზე უკვე აწარმოებს კონსულტაციებს. მათი აბსოლუტური უმრავლესობა ხვდება, რომ ერთობა არის უალტერნატივო. ერთობა არა ვინმეს, ან ვიღაცეების გარშემო, არამედ, იმიტომ რომ დამარცხდეს ოლიგარქია.

თუკი ამ ჯანსაღ ერთობაზე ვინმე უარს იტყვის, ბუნებრივია, იმ ყველაფრის გათვალისწინებით რასაც ივანიშვილი აკეთებს, როგორც ვაჭრობს ვაჭრობს პოლიტიკურ ბაზარზე: უყიდია, ყიდულობს და არც მომავალში დაიშურებს მრავალმილიონს რომ დაასუსტოს რეალური ძალები, რომლებიც დაამარცხებენ ივანიშვილს, რა თქმა უნდა ეს იქნება ლაკმუსის ქაღალდი და მარტივი ტესტი: ვინც არ იქნება მოწოდებული, რომ ივანიშვილი დამარცხდეს, ის პირდაპირ ივანიშვილთან ალიანსში მყოფ ძალად მოინათლება”- თქვა ნიკა მელიამ.

ცნობისთვის, გუშინ მიხეილ სააკაშვილმა "ნაციონალურ მოძრაობას" მოუწოდა რომ ოპოზიციასთან ერთად, პრაიმერისის გზით, შეარჩიონ საუკეთსო კანდიდატი და იბრძოლონ გამარჯვებისთვის.

საქართველოს მესამე პრეზიდენტი სპეციალურ ვიდეო-მიმართვაში აღნიშნავს, რომ ბიძინა ივანიშვილმა მთავარი ოპოზიციური ძალის წოდებაზე ქასთინგი გამოაცხადა და მისი სურვილია, რომ ოპოზიციამ არა ხელისუფლების დამარცხებისთვის, არამედც იმისთვის იბრძოლოს, თუ ვინ გავა მეორე ადგილზე ყველა შემდგომ არჩევნებზე.