საქართველოს განათლებისა და მეცნიერების მინისტრის მოადგილე განათლების სამინისტროს გეგმებზე საუბრობს. თემურ მურღულიას თქმით, დიდი წიგნები დაიყოფა სექციებად, რაც ბავშვებს საშუალებას მისცემს სკოლებში მსუბუქი ნივთები ატარონ:

„სწორედ იმიტომ, რომ ჩვენ გვჭირდებოდა გაცილებით უკეთესი წიგნები, შეიცვალა მთლიანად ეროვნული სასწავლო გეგმა, შეიცვალა წიგნების შეფასების კრიტერიუმები. ხარისხი, მოლოდინი არის, რომ იქნება შეუდარებლად უკეთესი. რაც შეეხება წონას, აქ ორი მიმართულებაა. ერთი – ეს არის ქაღალდის პარამეტრების შეცვლა, თუმცა იქაც ძალიან ბევრი ნიუანსია გასათვალისწინებელი, მეორე – დიდი წიგნები დაიყოფა სექციებად, რაც საშუალებას მოგვცემს, რომ ბავშვმა გაცილებით მსუბუქი წიგნი ატაროს“,- განაცხადა მურღულიამ.