სკანდალური შეხვედრის საიდუმლო ფოტო - სად და როგორ წყდება საზოგადოებრივი მაუწყებლის ბედი

პოლიტიკა - 23:15, 04 Mar, 2018

2990

საიდუმლო შეხვედრა, რომელიც 10 დღის წინ თბილისში გაიმართა - ფოტოზე, რომელიც P.S.-ს „ევროპულმა საქართველომ“ მოაწოდა, ერთ-ერთი შეხვედრაა გადაღებული, რომელსაც საზოგადოებრივი მაუწყებლის თავმჯდომარე, ვასილ მაღლაფერიძე, კომუნიკაციების მარეგულირებელი კომისიის თავმჯდომარე კახა ბექაური და "ქართული ოცნების" PR-ი მაკო ბიგვავა ესწრებიან. მის უკან კიდევ ერთი ადამიანი ზის, რომელიც ამ ფოტოზე არ ჩანს. თამარ კაკაბაძე ამტკიცებს, რომ შეხვედრის მეოთხე მონაწილე მთავარი პროკურორის ყოფილი მოადგილე და "Post TV"-ის დამფუძნებელი, ლაშა ნაცვლიშვილია.

მისივე თქმით მას აქვს რამდენიმე ფოტო, რომელშიც ლაშა ნაცვლიშვილიც ჩანს. თუმცა ეთიკის ნორმებიდან გამომდინარე არ ასაჯაროებს.

თამარ კაკაბაძე აცხადებს, რომ შეხვედრის მონაწილეების საუბრის მთავარი თემა საზოგადოებრივი მაუწყებლის სამეურვეო საბჭოს მომავალი წევრები და და მოახლოებული კონკურსის იყო.

პარტია "ევროპული საქართველოს" წევრი ამტკიცებს, რომ ფოტო მასალის და საუბრის შინაარსის გასაჯაროება მას შემდეგ გადაწყვიტა, რაც დღეს პარლამენტის ვებგვერდზე საზოგადოებრივი მაუწყებლის სამეურვეო საბჭოს წევრობის მსურველი 14 კანდიდატის სია გაირკვა, რომ კონკურსში ზაზა შათირიშვილიც მონაწილეობს.

ფოტოს ავტორი განმარტავს, რომ ეს არის მტკიცებულება თუ ვისთან ერთად იღებს გადაწყვეტილებებს საზოგადოებრივი მაუწყებლის ხელმძღვანელი, რომელიც სახელმწიფო ბიუჯეტიდან ყოველწლიურად მილიონებს იღებს და უნდა მიუკერძოებლად ემსახურებოდეს ყველას, ვისი ფულითაც და ვისთვისაც ის არსებობს ანუ ხალხს. ამ დროს კი ის მითითებებს იღებს "ქართული ოცნების" PR-ისა და მთავარი პროკურორის ყოფილი მოადგილისგან, რომელსაც საკუთარი ინტერნეტ-ტელევიზია აქვს.

წყარო: rustavi2.ge